Казанда «Ватык уенчыклар иле. Кайту» яңа инклюзив спектаклен күрсәтәчәкләр

Спектакльне «Э-моция» студиясе режиссеры Неля Суркина куйган.

(Казан шәһәре KZN.RU, 5-нче декабрь). 7-нче декабрьдә «Әкият» балалар үзәгенең концерт залында «Ватык уенчыклар иле. Кайту» инклюзив спектакленең премьерасы булачак. Әлеге спектакль Лия исемле кыз һәм аның уенчык аюы турындагы тарихны яраткан күп санлы тамашачылар соравы буенча куела.

Тамашачылар яңа тарихны күрә алачак, биредә инде үсеп җиткән Лия балалар өчен зур бәйрәм оештыра. Тантаналы көн алдыннан Лия бүләкләр салынган капчыкта үзенең күптәнге танышларының ватылган уенчыкларын таба. Ватылган уенчыклар балаларга әйләнеп кайтырга хыялланулары, кешеләр дөньясына ничек килеп эләгүләре һәм бүләкләрнең кая китүләре турында сөйлиләр. Нәрсә булганын аңлау һәм югалган курчаклар табу өчен, ватылган уенчыклар иленә әйләнеп кайтырга кирәк. Лия туганы Кирдан югалган курчакларны табарга һәм аларны кешеләр дөньясына кайтарырга ярдәм итүен сорый.

Спектакльне «Э-моция» студиясе режиссеры Неля Суркина куйган. «Ватылган уенчыклар илләре» премьерасы 2017 елның маенда узды, күп санлы спектакльләр Казанда һәм Татарстанда гына түгел, республикадан читтә дә үтте.

Спектакль 17.00 сәгатькә планлаштырылган, анда 6 яшьтән өлкәнрәк балаларны чакыралар. Тулырак мәгълүматны + 7 965 5842782 телефоны буенча алырга мөмкин, дип хәбәр иттеләр студиядә.

Шулай ук укыгыз

Барлык яңалыклар