Яңалыклар

20.05.2018, 16:17

Казанда марафон һәм ярым марфон дистанцияләрдә узышларның нәтиҗәләре чыгарылды

Татьяна Арясова “Казан марафонында” өченче тапкыр җиңә.

(Казан шәһәре KZN.RU, 20-нче май, Алсу Сафина). Лос-Анджелес марафоны җиңүчесе Татьяна Арясова өченче тапкыр “Казан марафонында” җиңә. 42,2 км араны ул 02:36:04 күрсәткече белән үтте.

Спортчылар арасында икенче урында – Илемпи Мадеева (02:43:59), өченче урында – Марина Смирнова (02:53:05).

42,2 км дистанциядә абсолют зачетта беренче урынны Светлана Гребенева (03:03:31) яулады. Екатерина Безгодова (03:06:54) һәм Мария Ручникова (03:08:42) шулай ук бүләкле урыннар алды.

Ир-атлар арасында абсолют зачетта Артем Алексеев (02:17:45), Андрей Миняков (02:18:22) һәм Андрей Смирнов (02:21:34) лидерлар булдылар.

Ярым марафонда (21,1 км) беренче урынны Александр Новиков (01:06:10) алды. Икенче урында – Азат Закиров (01:06:18), өченче урында – Олег Ильин (01:06:27).

Хатын-кызлар арасында 21,1 км араны беренче булып Людмила Лебедева (01:14:53) узды. Икенче һәм өченче урыннарда – Татьяна Архипова (01:15:22), Ксения Махнева (01:17:24).

Моннан кала, узыш арбалы спортчылар арасында да үтте. Ир-атлар арасында Александр Ганзей (51:56) җиңде. Икенче урынны Виталий Гриценко (52:08) алды, өченче урында – Семен Радаев (52:08). Хатын-кызлар арасында Наталья Кочерова (01:03:51) җиңде. Икенче һәм өченче урыннарда – Акжана Абдикаримова (01:04:44) һәм Наталья Рыжова (01:18:09), дип хәбәр ителә “Казан марафонының” рәсми төркемендә.

Фоторепортаж

Шулай ук укыгыз

Барлык яңалыклар