Казанда «Добрый молодец» һәм «Красна девица» шәһәр конкурсына йомгак ясалды

Беренче тапкыр барлык 16 финалист җиңүче дип танылды.

Фото: Казан Мәгариф идарәсе

(Казан шәһәре KZN.RU, 17-нче декабрь). Казанда «Добрый молодец» һәм «Красна девица» шәһәр конкурсына йомгак ясадылар. Анда 8 пар укучы катнашты – ярышларның район этапларында җиңүчеләр. Беренче тапкыр барлык 16 финалист җиңүче дип танылды. Бүләкләү кичә Мәгариф хезмәткәрләре йортында узды.

Быел конкурс 1-нче октябрьдә старт алды. 26-нчы октябрьгә кадәр район этаплары уздырылды, җиңүчеләр бәйгенең шәһәр этабы финалистлары булды. Санитар-эпидемиологик вәзгыять аркасында шәһәр этабы дистанцион рәвештә узды – катнашучылар биремнәрне видеога яздырдылар. Конкурсантлар үзләрен тәкъдир иттеләр, жюрига театр-уен форматында рус милли гореф-гадәтләренең берсен тәкъдим иттеләр. Моннан тыш, видеоблог форматында «Әгәр мин Президент булсам...» темасына кыска хикәя тәкъдим иттеләр, дип хәбәр иттеләр Казан Мәгариф идарәсендә.

Яңа Савин районының 71-нче татар-рус мәктәбе укучысы Карина Миншина, Авиатөзелеш районының 33-нче гимназиясе укучысы Эмилия Второва, Вахитов районының 51-нче мәктәбе укучысы Екатерина Скворцова, Идел буе районының 21-нче гимназиясе укучысы Эльвина Долгая, 171-нче мәктәп укучысы Ангелина Бәширова, 183-нче мәктәп укучысы Злата Парамонова, 70-нче мәктәп укучысы Елизавета Зверева, Мәскәү районының 120-нче мәктәбе укучысы Ангелина Самихина «Красна девица» исеменә ия булдылар.

Яңа Савин районының 179-нчы гимназиясе укучысы Ярослав Бурылин, Авиатөзелеш районының 33-нче гимназиясе укучысы Павел Головко, Вахитов районының 51-нче мәктәбе укучысы Роман Артемьев, Идел буе районының 21-нче гимназиясе укучысы Богдан Гордеев, Совет районының 111-нче мәктәбе укучысы Михаил Сыщиков, 72-нче мәктәбе укучысы Лапин Кирилл, Киров районының 70-нче мәктәбе укучысы Вадим Ясинский, Мәскәү районының 20-нче мәктәбе укучысы Даниил Кукушкин «Добрый молодец» исемен ия булдылар.

Шулай ук укыгыз

Барлык яңалыклар