Казанда Сергей Ашихмин истәлегенә уза торган чаңгы ярышлары буенча чемпионатка һәм беренчелеккә йомгак ясадылар

Ике көн дәвамында спортчылар дистанцияне ирекле һәм классик стиль белән узуда ярыштылар.

(Казан шәһәре KZN.RU, 16-нчы февраль). Казанда «Юдино» микрорайонындагы «Локомотив» стадионында Россия Герое Сергей Ашихмин истәлегенә уза торган чаңгы ярышлары буенча чемпионат һәм беренчелек тәмамланды. Казанның иң яхшы чаңгычылары ике көн дәвамында, 15-16-нчы февраль көннәрендә, районның җыелма командалары составында сигез яшь төркемендә көч сынашты.

15-нче февральдә спортчылар дистанцияне ирекле стильдә, 16-нчы февральдә классик стильдә уздылар. Шул рәвешле, соңгы старт нәтиҗәләре буенча Елена Горохова – 1978 елгы һәм аннан өлкәнрәк хатын-кызлар төркемендә, Светлана Травина – 1979-1999 елгы хатын-кызлар төркемендә, Алинә Галимҗанова – 2000-2001 елгы яшүсмер кызлар төркемендә, Зөлфия Хәбибрахманова – 2002-2003 елгы кызлар төркемендә, Дмитрий Титов – 1978 елгы һәм аннан өлкәнрәк ир-атлар төркемендә, Руслан Петров - 1979-1999 елгы ир-атлар төркемендә, Ренат Сираҗетдинов - 2002-2003 елгы егетләр төркемендә, Нияз Фатыйхов - 2000-2001 елгы яшүсмер егетләр төркемендә җиңүчеләр булдылар, дип хәбәр итә Физик культура һәм спорт комитеты.

Исегезгә төшерәбез, 2019 елдан башлап, Казан Мэры Илсур Метшин йөкләмәсе буенча, чаңгы ярышлары буенча Казан чемпионаты һәм беренчелеге Россия Герое Сергей Ашихмин истәлегенә багышлана. Майор Казанда 2012 елның 24-нче октябрендә «Эдельвейс» контртеррористик операциясендә катнашкан вакытта, хезмәт бурычын үтәгәндә һәлак булган. 2017 елда Мәскәү районының 130-нчы номерлы урта гомуми белем бирү мәктәбенә Россия Герое, майор Сергей Ашихмин исеме бирелде, монда ук аңа багышланган экспозиция ачылды.

Шулай ук укыгыз

Барлык яңалыклар