Казанда төзелеш мәйданчыкларында хокук бозулар саны ике тапкырга диярлек кимеде

Казанда төзелеш мәйданчыкларында хокук бозулар саны ике тапкырга диярлек кимеде

<div class="detail-picture"> <img src="https://kzn.ru/upload/iblock/c33/MMB_0237_870.jpg"> <p class="detail-picture__caption"> Фото: Марат Мугинов </p> </div> <p> (Казан шәһәре KZN.RU, 26-нчы июль, Алинә Бережная). Казанда беренче яртыеллыкта төзелеш мәйданнарында тәртип бозу очраклары 68-дән 37-гә кадәр кимегән, аларга тәгәрмәчләрне юу урыны һәм төзелеш мәйданнарына төзек керү юлы булмау керә. Бу, барыннан да элек, ел башыннан төзелешләрнең гомуми саны 165-дән 137-гә кадәр кимүгә бәйле, дип хәбәр итте эшлекле дүшәмбедә Административ-техник инспекция идарәсе башлыгы Наил Минвәлиев. </p> <p> Төзелеш мәйданнарыннан шәһәр урамнарына пычрак чыгаруны бетерү өчен төзүчеләргә кулдан югычы урынына әйләнешле су белән тәэмин ителгән автоматик эстакадлы типтагы тәгәрмәч югычларны кулланырга тәкъдим ителде. Шундый системаларның берсе Бохара урамындагы төзелештә<a href="https://kzn.ru/meriya/press-tsentr/novosti/ilsur-metshin-oznakomilsya-s-rabotoy-pervoy-v-gorode-ekologichnoy-avtomaticheskoy-moyki-koles-na-str/" target="_blank"> урнаштырылган һәм эшли.</a> </p> <p> «Хәзер без барлык эре төзелеш оешмалары белән шәһәр төзелешләрен нәтиҗәлерәк җиһазлар белән тәэмин итү буенча эш алып барабыз», – дип хәбәр итте Наил Минвәлиев. </p> <p> Шуның белән бергә, җир эшләрендә дә җитештерү культурасының үсүе күзәтелә. Шул ук вакытта казыр өчен бирелгән ордерлар саны 7%-ка – 1589-дан 1704-кә кадәр арткан, ә хокук бозулар узган елның беренче яртыеллыгы дәрәҗәсендә теркәлгән. </p> <p>   </p>

2021-07-26T12:24:12+0300