Казанда яшәүчеләрнең гаризалары буенча юл билгеләре һәм реклама таблолары чистартылды

Казанда яшәүчеләрнең гаризалары буенча юл билгеләре һәм реклама таблолары чистартылды

<p> <img src="https://www.kzn.ru/upload/iblock/423/MMB_8956.jpg"><br> </p> <p> (Казан шәһәре KZN.RU, 27-нче сентябрь). Казанда юл билгеләрен һәм мәгълүмати таблоларны законсыз рәвештә каплаган рекламадан чистарту дәвам итә - бу эшләр даими, мониторинг барышында башкарыла. </p> <p> Шәһәрдә «Юл хәрәкәте белән идарә итүнең автоматлаштырылган системасы» муниципаль казна учреждениесе балансында булган 29 мең 696 билге урнаштырылган, тагын 6 меңгә якыны – шәхси (сәүдә үзәкләре парковкаларында яки ишегалларында урнаштырылган, аларны карап тоту өчен милекчеләр җавап бирә). Мәгълүмати-басма продукцияне, рәсемнәрне, граффитины вакытында чистартып тору бик проблемалы. Шуңа күрә «Юл хәрәкәтенең автоматлаштырылган хәрәкәт системасы» муниципаль казна учреждениесе бу мәсьәләдә «Халык контроле» системасында халыктан килгән хәбәрләргә һәм <a href="https://vk.com/wall-57867786_7503491" target="_blank">социаль челтәрләрдәге</a> мәгълүматларга таяна. Халыкның активлыгы билгеләрне вакытында чистартырга ярдәм итә. Шулай итеп, халыкның хәбәрләре ярдәмендә соңгы вакытта Г.Кутуй һәм Гвардия урамнары киселешендәге юл билгеләре, «Яшьлек» метро станциясендәге һәм башка участоклардагы таблолар чистартылды. </p> <p> Реклама ябыштыруга, шул исәптән юл инфраструктурасы элементларына каршы көрәшнең катлаулылыгы шунда ки, мондый ябыштыручыларны ТР Административ хокук бозулар кодексының маддәләре буенча штрафка тарту өчен «урында эләктерергә» кирәк. Бу эшне Административ-техник инспекция идарәсе һәм район администрацияләре каршындагы хокук тәртибен саклау оператив пунктлары алып бара. Бу хокук бозу өчен 2019 елда ТР Административ хокук бозулар кодексының 3.5 маддәсе буенча 1643 административ беркетмә төзелгән. Ябыштыручыны 1000 сумга штрафка тарталар. </p> <p> Шәһәрлеләрдән законсыз реклама тарату очракларына игътибар итүләрен һәм тәртип бозучыларны күргән очракта хокук саклау органнарына яки административ-техник инспекция идарәсенә 223-09-91 телефоны аша хәбәр итүләрен сорыйлар. Бары тик бердәм эш һәм тәртип бозучыларны ачыклау гына шәһәрне чистартырга мөмкинлек бирәчәк, дип билгеләп үтәләр Транспорт комитетында. </p>

2019-09-27T13:40:18+0300