Казанда Тэцевская урамында «вафли» юл тамгасы барлыкка килде

Аны юл хәрәкәте иминлеген тәэмин итү өчен кешеләр мөрәҗәгатьләренә бәйле рәвештә ясаганнар.

Фото: kazantransport.ru

(Казан шәһәре KZN.RU, 3-нче июнь). Казанда Тэцевская һәм Дементьев урамнары чатында тагын бер «кәрәзсыман сырлы» юл тамгасы барлыкка килде. Аны ясау һәм юл тамгаларын урнаштыру турындагы карар халыкның мөрәҗәгатьләренә бәйле рәвештә кабул ителде.

«Кәрәзсыман сырлы» юл тамгасы бөкеләр барлыкка килүне булдырмаска һәм юл хәрәкәте иминлеген тәэмин итәргә тиеш. Транспорт хәрәкәте өчен киртә тудырмас өчен, мондый тамга белән юл чатына керү тыела.

Казанлыларга хокук бозу очрагында 1 мең сум күләмендә штраф яный, дип хәбәр ителә шәһәрнең транспорт сайтында.

Шулай ук укыгыз

Барлык яңалыклар