Казанда 063 телефоны буенча үзизоляция режимына бәйле рәвештә психологик ярдәм алырга мөмкин

Теләге булган һәркем гариза калдыра ала, шуннан соң 10-15 минут эчендә аңа «Ышаныч» үзәге белгечләре шалтыратачак.

(Казан шәһәре KZN.RU, 9-нчы апрель). Казанда үзизоляция режимын кертү белән бәйле психологик ярдәм өчен хәзер 063 телефоны буенча мөрәҗәгать итәргә мөмкин. Теләге булган һәркем гариза калдыра ала, шуннан соң 10-15 минут эчендә аңа «Ышаныч» үзәге белгечләре шалтыратачак.

Исегезгә төшерәбез, бу - кайнар линия номеры, аның аша өлкән яшьтәге казанлылар өчен азык-төлек һәм дарулар китерү өчен гариза бирергә мөмкин. Шәһәр кешеләренә уңайлы булсын өчен хәзер шул ук кыска номер буенча психологик ярдәм күрсәтүгә дә гаризалар кабул ителә.

Татарстанда 30-нчы мартта үзизоляция режимы кертелүгә карамастан, «Ышаныч» үзәгенә беренче шалтыратулар 28-нче мартта ук килә башлады. Шул вакыттан башлап психологлар шәһәрнең 50-гә якын кешесенә ярдәм иткән.

Көн саен Казанның 3-4 кешесе психологик ярдәм сорап мөрәҗәгать итә. Нигездә, психологик ярдәмгә ялгыз өлкән кешеләр мохтаҗ. Мөрәҗәгать итүчеләрнең күбесе - 50 яшьтән өлкәнрәк хатын-кызлар. Белгечләргә мөрәҗәгать иткән ир-атларның яше 40 яшьтән 50 яшькә кадәр булган. «Алар белән профессиональ психологлар сөйләшә, борчу һәм паника халәтен ничек басарга мөмкин булуы турында киңәшләр бирә. Әлеге катлаулы чорда аларга мондый ярдәм күрсәтү бик мөһим», - дип сөйләде Балалар һәм яшьләр эшләре комитеты рәисе Айрат Фәизов.

«Ышаныч» үзәгенең турыдан-туры телефон номеры - +7(843)277-00-00.

Шулай ук укыгыз

Барлык яңалыклар