Казанда илкүләм проект буенча Беломорск урамын төзекләндерәчәкләр

Юл эшләре Гудованцев урамы буенча Химия урамына кадәр 1,19 км озынлыктагы участокта планлаштырылган.

Фото: Марат Мугинов

(Казан шәһәре KZN.RU, 16-нчы март). Казанда Беломорск урамының, Гудованцев урамыннан Химия урамына кадәр 1,19 км озынлыктагы участогында автомобиль юлын төзекләндерәчәкләр. Эшләр «Имин һәм сыйфатлы автомобиль юллары» илкүләм проекты буенча үткәреләчәк.

Әлеге участокта югары сыйфатлы асфальтобетоннан өске катлам җәеләчәк, ул яңа ГОСТ нигезендә күләмле проектлау технологиясе буенча исәпләнгән, шулай ук юл коймалары һәм билгеләре алмаштырылачак.

Беломорск урамын «Казаноргсинтез» ААҖнә транспорт артериясе сыйфатында төзегәннәр, аның гомуми озынлыгы 5,374 км тәшкил итә. Ул Яңа Караваево һәм Жилплощадка микрорайоннарында, Авиатөзелеш һәм Мәскәү районнарында магистраль урам булып тора, 44 урам белән кисешә. Беломорск урамы буенча 6, 18, 29, 43, 60, 62, 76, 89, 89а номерлы автобус маршрутлары уза.

Быел Казан агломерациясендә «Имин һәм сыйфатлы автомобиль юллары» милли проекты буенча юл-урам челтәренең 23 объектын ремонтлаячаклар, аларның 11-е Казанда урнашкан. Нәтиҗәдә агломерация буенча норматив транспорт-эксплуатация хәлендәге автомобиль юллары өлеше ел ахырына 84,5% тәшкил итәчәк, дип хәбәр итә ТР Транспорт һәм юл хуҗалыгы министрлыгы матбугат хезмәте.

Шулай ук укыгыз

Барлык яңалыклар