Казанда язгы каникулларны күчерделәр

Казанда язгы каникулларны күчерделәр

<p> <img src="https://www.kzn.ru/upload/iblock/ce3/GQ2Q7890.jpg"><br> </p> <p> (Казан шәһәре KZN.RU, 17-нче март). Казанда язгы каникуллар күчерелде. Укучылар 19-нчы марттан 31-нче мартка кадәр ял итәчәк. Тиешле боерык шәһәр Мәгариф идарәсендә бастырылды. Алда расланган график буенча мәктәп укучыларының язгы каникуллары 23-нче марттан башланырга тиеш иде. </p> <p> Каникуллар, Татарстан Республикасы Министрлар Кабинетының 2017 елның 17-нче мартыннан чыккан 23-нче номерлы санитар-эпидемиягә каршы комиссиясе карарын үтәү йөзеннән, грипп, ОРВИ һәм яңа коронавирус инфекциясе буенча килеп чыккан эпидемиологик вәзгыятькә бәйле рәвештә, укучылар арасында чирләр таралуны кисәтү һәм Казанда эпидемиологик хәлнең катлаулану куркынычын булдырмау максатыннан күчерелде. </p> <p> Балалар бакчалары һәм өстәмә белем бирү учреждениеләре штат режимында эшләячәк. </p> <p> Исегезгә төшерәбез, Татарстанда республика Президенты Рөстәм Миңнеханов йөкләмәсе буенча коронавирус таралу куркынычы аркасында <a href="http://www.kzn.ru/meriya/press-tsentr/novosti/v-tatarstane-vveden-osobyy-sanitarnyy-rezhim-iz-za-ugrozy-rasprostraneniya-koronavirusa/" target="_blank">махсус санитар-эпидемиологик режим кертелде</a>. Күп кеше катнашындагы чараларга чикләүләр 15-нче апрельгә кадәр гамәлдә булачак. </p>

2020-03-17T18:54:29+0300