Казанда яшенле яңгыр һәм көчле җил көтелә

Татарстан буенча урыны белән боз явуы ихтимал.

Фото: Денис Гордийко

(Казан шәһәре KZN.RU, 28-нче май). Иртәгә Татарстанда һәм аның башкаласында һава шартларының начарлануы көтелә.

Синоптиклар фаразлавынча, иртән һәм көндез республикада кыска вакытлы 17-22 м/с ка кадәр, Казанда 15-20 м/с ка кадәр җил көчәюе көтелә. Татарстанда урыны белән боз явуы ихтимал. Төнлә республика буенча һава температурасы +8...+13 градус, көндез – 26-31 градус җылы булачак. Казанда төнлә – 10-12 градус, көндез – 27-29 градус җылы, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Татарстан Республикасы буенча Баш идарәсе көчле җил вакытында урамга чыгудан тыелырга, биналарда булырга һәм балаларны күзәтүсез калдырмаска киңәш итә. Көчле җилдән түбә астында яшеренергә киңәш ителми, чөнки шифер һәм башка түбә материалларының төшүе ихтимал. Бу тәкъдим җәмәгать транспорты тукталышларына, төзелеп бетмәгән биналарга да кагыла.

Урамда реклама щитлары, элмә такталар, юл билгеләре, электр тапшыру линияләре, эре агачлар янында басып тормаска, алар белән янәшә автотранспорт чарасын куймаска кирәк. Көчле җил вакытында электр тапшыру линиясе астында басып, өзелгән электр үткәргечләренә якын килү куркыныч. Йортларның барлык тәрәзәләрен дә тыгыз итеп ябарга, балконнардан тышкы якка төшеп ктергә мөмкин булган әйберләрне алып куярга.

Янгыр вакытында машина йөртүчеләргә бик игътибарлы булырга кирәк, ерак араларга йөрүдән баш тартырга кирәк. Җәяүлеләргә автотрассалар аша чыкканда һәм алар янында булганда аеруча сак булырга кирәк.

Шулай ук укыгыз

Барлык яңалыклар