В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
15.07.2020, 16:49
Казанда +30 градуска кадәр эсселек көтелә
Бүген төнлә Татарстанда һәм аның башкаласында яшен һәм секундына 15-20 метрга кадәр тизлектә җил булуы мөмкин.
(Казан шәһәре KZN.RU, 15-нче июль). Синоптиклар Татарстан халкын һава торышының начараюы турында кисәтә - 16-нчы июльдә урыны белән яшенле яңгыр, 15-20 м/с тизлектә җил, урыны белән җилнең тизлеге 23 м/секундка кадәр җитәргә мөмкин, аерым районнарда боз булуы ихтимал. Төнлә һава температурасы +17...+22 градус эссе булачак, 16-нчы июльдә көндез +27...+32 градус көтелә.
Якын көннәрдә Казанда алмашынучан болытлы һава булачак. Бүген төнлә урыны белән кыска вакытлы яңгыр көтелә, яшен булачак. Көньяк-көнбатыштан уртача тизлектә җил исәчәк, яшен вакытында җилнең тизлеге 15-20 м/секундка кадәр көчәергә мөмкин. Бүген төнлә һава температурасы +18-20 градус тәшкил итәчәк, көндез синоптиклар +28...+30 градус булачагын фаразлыйлар, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Исегезгә төшерәбез, эссе һава торышы аркасында Татарстан халкына урманнарга барудан тыелырга киңәш ителә, аларның территориясендә IV класслы янгын куркынычы билгеләнгән.
Шулай ук укыгыз
-
23.07.2025, 17:46 -
23.07.2025, 17:27 -
23.07.2025, 17:11 -
23.07.2025, 16:48