Казанда “спорт чыгарылыш кичәсен” билгеләп үттеләр

Казанда “спорт чыгарылыш кичәсен” билгеләп үттеләр

<p> <br> </p> <p> <br> </p> <p> (Казан шәһәре KZN.RU, 18-нче май). Казанда “спорт чыгарылыш кичәсе” узды. Горки-Әмәт урманы мәйданчыгында 279 яшь спортчы балалар-яшүсмерләр спорт мәктәпләрен тәмамлау турында таныклык алды. </p> <p> Олы тормышка яшь спортчыларны ТР яшьләр эшләре һәм спорт министры Владимир Леонов, Башкарма комитет җитәкчесенең беренче урынбасары Дамир Фәттахов, Туризм үсешенә булышлык итү комитеты директоры Дарья Санникова һ.б. озатты. </p> <p> В.Леонов, чарада катнашучыларны сәламләп, шәһәр җитәкчелегенә һәм спорт комитетына актив эшчәнлек өчен рәхмәтен белдерде. “Спортив Казан – ул безнең резерв. Биредә үзләренең спорт карьерасын дәвам итәчәк һәм яхшы нәтиҗәләргә ирешәчәк кешеләр утыра, дип уйлыйм”, - диде министр. </p> <p> Укучылар тормышында спорт мәктәпләренең әһәмиятен үз чыгышында Дамир Фәттахов та билгеләп үтте. “Сез зур һәм катлаулы юл үттегез. 8-10 ел уку дәверендә спорт мәктәбе сезнең икенче өегез булды, ә укытучыларыгыз – икенче ата-аналарыгыз. Киләчәктә нинди юл сайлавыгызга карамастан, спорт мәктәбендә алган тәҗрибәгез сезгә ярдәм итәр. Тренерларга һәм ата-аналарыгызга бик зур рәхмәт, алар ярдәмендә сез тормыш юлыгыздан ышанычлы итеп атлаячаксыз”, - диде Д.Фәттахов һәм укучыларга уңышлар теләде. </p>

2018-05-18T09:08:06+0300