Казанда 5-нче номерлы балалар музыка мәктәбенең 75 еллыгын билгеләп үттеләр

Казанда 5-нче номерлы балалар музыка мәктәбенең 75 еллыгын билгеләп үттеләр

<p> </p> <div class="detail-picture"> <img src="https://www.kzn.ru/upload/iblock/73f/DEN_6103.jpg"> <p class="detail-picture__caption"> Фото: Денис Гордийко </p> </div> <span style="color: #3d3d3d;">(Казан шәһәре KZN.RU, 9-нчы октябрь, Ксения Швецова). Бүген Казанда 5-нче номерлы балалар музыка мәктәбенең 75 еллыгын билгеләп үттеләр. Өстәмә белем бирү учреждениесенең актлар залында мәктәп укучылары һәм укытучылары чыгыш ясады. Укучыларны бәйрәм белән ТР мәдәният министрының беренче урынбасары Юлия Әдһәмова һәм Казан Башкарма комитетының Мәдәният идарәсе башлыгы Азат Абзалов котлады.</span> <p> <span style="color: #3d3d3d;">5-нче номерлы балалар музыка мәктәбенә 1945 елда нигез салынган. Бүген биредә төрле юнәлешләр буенча 502 тәрбияләнүче белем ала: фортепиано, кыллы-смычоклы, халык, вокал-хор бүлекчәләре, шулай ук тынлы һәм бәрмә уен кораллары, рәсем һәм хореография сәнгате. Мәктәптә 50-дән артык укытучы эшли.</span> </p> <p> <span style="color: #3d3d3d;">Бәйрәм концерты ТР атказанган мәдәният хезмәткәре Ирина Щелкова җитәкчелегендә 5-нче номерлы мәктәпнең кыллы оркестры чыгышыннан башланды. Шуннан соң мәктәп хезмәткәрләрен һәм укучыларын Татарстан Республикасы мәдәният министрының беренче урынбасары Юлия Әдһәмова котлады.</span> </p> <p> <span style="color: #3d3d3d;">«Балалар иҗат итә, үсә һәм сәнгать белән хозурлана алсын өчен барлык шартлар тудырылган бу мәктәпнең юбилеенда катнашуга без бик шат, - диде ул. - Беренче чиратта укытучыларга рәхмәт белдерәсем килә: балаларга иҗатка мәхәббәт тәрбияләп, сез күренекле музыкантларның яңа буынын тәрбиялисез».</span> </p> <p> <span style="color: #3d3d3d;">Шәһәрнең иң борынгы мәктәпләренең берсенең 75 еллыгы бөтен мәгариф системасы өчен зур әһәмияткә ия, дип билгеләп үтте Мәдәният идарәсе башлыгы Азат Абзалов. «Сезнең искиткеч коллектив, тарихи корылмалар, мәдәни учреждениеләр әйләндереп алган матур бина, - диде А.Абзалов. - Мондый мәктәпләр республикада юк, Россия Федерациясендә дә мондый дәрәҗәдәге өстәмә белем бирү учреждениеләре күп түгел. Ышанам ки, әлеге мәктәпне тәмамлаучылар Казан һәм бөтен республика мәдәниятен үстерүгә өлеш кертүләрен дәвам итәчәк һәм безне искиткеч чыгышлары белән сөендерәчәк».</span> </p> <p> <span style="color: #3d3d3d;">Мәктәп эшләгән елларда 9 укучы Казан шәһәре Мэрының стипендияләре белән билгеләп үтелде. Өч укучы 2018 елгы «Балалар казанышлары энциклопедиясе» Россия коллекциясенә керде. Моннан тыш, соңгы 3 елда мәктәп 562 лауреат, 247 дипломант, халыкара, бөтенроссия һәм республика конкурсларының 19 гран-при иясен тәрбияләде.</span> </p> <p> <span style="color: #3d3d3d;">«75 яшьлек юбилей - укучылар өчен дә, педагоглар өчен дә бик мөһим дата, - дип уртаклашты мәктәп директоры, ТРның атказанган мәдәният хезмәткәре Светлана Сөләйманова. - Үз яшәгән елларында безнең мәктәп бөтен дөньяда Казанны һәм Татарстанны таныткан талантлы, атаклы шәхесләрнең тулы бер плеядасын чыгарды. Безнең балалар барлык инструментларда диярлек уйнарга өйрәнә, хәтта органда да - мондый нәрсә республиканың бер генә музыка мәктәбендә дә юк. Укучыларыбызның күпчелек өлеше югары уку йортларында музыка белемен алуны дәвам итә».</span> </p> <p> <span style="color: #3d3d3d;">5-нче номерлы музыка мәктәбен тәмамлаучылар арасында - Илһам Байтирәк, Рәшид Мостафин, Аделя Игламова, Әлфия Заппарова, Юзефина Сокольская, Айгөл Бариева, Миләүшә Хәйруллина һәм башкалар бар, дип өстәде С.Сөләйманова.</span> </p> <p> <span style="color: #3d3d3d;">Бүгенге укытучылар арасында Татарстанның атказанган укытучылары һәм мәдәният хезмәткәрләре бар.</span> </p> <p> <span style="color: #3d3d3d;">«Мин балаларны «фортепиано» белгечлеге буенча укытам, - дип сөйләде мәктәп укытучысы Лия Варфоломеева. - Консерватория тәмамланганнан соң мин 23 ел пединститутның музыка факультетында эшләдем, ә аннары монда күчтем. Гомуми хезмәт стажым инде 60 елга якын. Минем чагыштырырлык тәҗрибәм бар. Бүген мәктәбебездә тәрбияләнүчеләр өчен бик яхшы шартлар тудырылган дип төгәл әйтә алам».</span> </p> <p> <span style="color: #3d3d3d;">Бәйрәм концерты азагында Ю.Әдһәмова һәм А.Абзалов мәктәп укытучыларына бүләкләр тапшырдылар.</span> </p> <p> <span style="color: #3d3d3d;">Исегезгә төшерәбез, 2017 елда 5-нче номерлы балалар музыка мәктәбе </span><a href="https://www.kzn.ru/prinyat-uchastie/proekty/kapremont/novosti/59363_prezident_tatarstana_i_mer_kazani_posetili_gorodskuyu_detskuyu_muzykalnuyu_shkolu_5/"><span style="color: #0d5baa;">капиталь ремонтланды</span></a><span style="color: #3d3d3d;">. Ремонт эшләре барышында биредә түбә, тәрәзәләр, инженерлык челтәрләре, сантехника җиһазлары алыштырылды, идәннәр һәм тавыш ишетелүен киметә торган бүлемнәр төзекләндерелде, фасад, керү төркемнәре, җиһазлар яңартылды, халыкның аз мобиль төркемнәре өчен пандуслар һәм тоткалар куелды.</span> </p> <p> <span style="color: #3d3d3d;">Ике ел элек өстәмә белем бирү учреждениесе «Россия балаларына өстәмә белем бирүнең 100 иң яхшы оешмасы» конкурсында «Иң яхшы балалар музыка мәктәбе - 2018» номинациясендә лауреат булды, ә директор Светлана Сөләйманова - «Ел директоры - 2018» мактау билгесе белән бүләкләнде. Быел мәктәп «Россия Федерациясенең иң яхшы өстәмә белем бирү учреждениеләре - 2020» бөтенроссия конкурсы лауреаты дип танылды.</span> </p>

2020-10-09T19:33:45+0300