Казанда Петропавловск соборы тарихы музее ачылды

Казанда Петропавловск соборы тарихы музее ачылды

<p> </p> <div class="detail-picture"> <img src="https://kzn.ru/upload/iblock/ba6/ba67bec80914ce0504e867865c8694c7.jpg"> <p class="detail-picture__caption"> Фото: Татарстан митрополиясенең матбугат хезмәте  </p> </div> <p> (Казан шәһәре KZN.RU, 6 нчы июль). Татарстан башкаласында Петропавловск соборы тарихы музее ачылды. Ул гыйбадәтханәнең беренче катында урнашкан. Экспозиция собор тарихын XVI гасырда беренче югары апостоллар Петр һәм Павелның агач чиркәвенә нигез салынганнан алып аның яңа тарихына кадәр үз эченә ала. </p> <p> Музейда гыйбадәтханә тарихы турында мәгълүмат белән стендлар, иконалар, китаплар, археологик, гыйбадәт һәм архитектура әйберләре белән витриналар тәкъдим ителгән. Казанлылар һәм шәһәр кунаклары архиерей киемнәрен, хоругвиларны, тәре йөреше өчен тәреләрне, собор күренешләре белән картиналарны һәм XIX гасыр калорифер мичен күрә ала. Моннан тыш, музейда мультимедия зонасы оештырылган, анда соборның тарихи фотолары һәм аңа багышланган фильмнар күрсәтелә.  </p> <p> Музейны Петропавловск соборы мәхәлләсе командасы хәйриячеләр ярдәме белән оештыра. Бу урынны Казан һәм Татарстан митрополиты Кирилл фатихасы белән ачтылар.  </p> <p> Музейга сишәмбедән якшәмбегә кадәр 10:00 дән 17:00 гә кадәр Муса Җәлил урамы, 21 адресы буенча барырга мөмкин. Шулай ук даими мәдәни-агарту чаралары планлаштырыла: лекцияләр, тематик очрашулар, миссионерлык әңгәмәләре, дип хәбәр итә Татарстан митрополиясе матбугат хезмәте. </p>

2023-07-06T10:46:36+0300