Казанда фашистларга каршы хәрәкәткә багышланган «Белая роза» күргәзмәсе ачылачак

9-нчы ноябрь – Халыкара фашизм, расачылык һәм антисемитизмга каршы көн.

Фото: Марат Мугинов

(Казан шәһәре KZN.RU, 8-нче ноябрь). 9-нчы ноябрь, Халыкара фашизм, расачылык һәм антисемитизмга каршы көндә һәм Россиядә Германия елында Казанда фашизмга каршы хәрәкәткә багышланган «Белая роза» күргәзмәсе ачылачак.

Экспозиция Икенче бөтендөнья сугышы вакытында Германиядә фашизмга студентлар каршы торуында катнашучыларның батырлыгы турында, «Белая роза» активисты, Оренбург егете Александр Шморель кебек үк, фашист илбасарларының үлеменә хөкем ителгән Муса Җәлилнең батырлыгы турында сөйләячәк. Килүчеләр Өченче рейх оешкан елларда Германиянең яшьләр хәрәкәтләре, фашизмга каршы өч студентның Көнчыгыш фронтта булуы, «Белая роза» һәм немец юстициясе эше процесслары турындагы материалларны немец һәм рус телләрендә беләчәк. «Белая роза» күргәзмәсе инде Мәскәү, Санкт-Петербург, Смоленск, Брянск, Омск, Иркутск һәм башка шәһәрләрдә булды. Оештыручылар булып «Белая роза» фонды (Мюнхен), «Евразия» (Оренбург) һәм «Бәхетле тарихлар» хәйрия фондлары (Казан), ТР Милли китапханәсе тора.

«Евразия» фонды директоры Игорь Храмов күргәзмәне ачуда М.Җәлилнең «Моабит дәфтәрләре» легендар китабын тәкъдир итү белән чыгыш ясаячак. Шулай ук җыелучылар «Подпольщики. В логове зверя» фильмын карый алачак.

Күргәзмә 10:30 сәгатьтә Татарстан Республикасы Милли китапханәсендә ачылачак, дип хәбәр итә «Бәхетле тарихлар» БФ матбугат хезмәте.

Шулай ук укыгыз

Барлык яңалыклар