Казанда сәламәтлек мөмкинлекләре чикле балалар өчен бушлай кар чаналары прокаты оештырыла

Яңа социаль проектны эшләтеп җибәрү 27-нче гыйнварга планлаштырылган.

(Казан шәһәре KZN.RU, 22-нче гыйнвар). 27-нче гыйнвардан башлап Казанда терәк-хәрәкәт аппараты авырулары булган балалар өчен махсус кар чаналары прокатлары оештырылачак. 5 кар чанасы ике пунктта урнашачак: өчесе - Горкино-Әмәт урманында, икесе - Химиклар мәдәният йортында.

Горки-Әмәт урманында прокат эш көннәрендә 10.00 сәгатьтән 19.00 сәгатькә кадәр, ял һәм бәйрәм көннәрендә 9.00 сәгатьтән 19.00 сәгатькә кадәр эшләячәк. Химиклар мәдәният сараенда дүшәмбедән пәнҗешәмбегә кадәр 10.00 сәгатьтән 20.00 сәгатькә кадәр, җомга 10.00 сәгатьтән 23.00 сәгатькә кадәр, шимбә көнне 9.00 сәгатьтән 23.00 сәгатькә кадәр, якшәмбе көнне 9.00 сәгатьтән 22.00 сәгатькә кадәр эшләячәк.

Тулырак мәгълүматны dobroprokat.ru сайтында яки +7(843)239-26-36 телефоны буенча, шулай ук Горки-Әмәт урманындагы прокатка алу нокталарында +7(987)624-11-82 һәм Химиклар мәдәният йортында +7(843)297-72-73 белергә мөмкин.

Проект «Игелекле Казан» автоном коммерциягә нигезләнмәгән оешмасы тарафыннан «Альпари» хәйрия фонды һәм Казанның Парклар һәм скверлар дирекциясе белән берлектә оештырылды.

Шулай ук укыгыз

Барлык яңалыклар