Казанда диспансеризациянең мобиль пункты оештырылган

Казанда диспансеризациянең мобиль пункты оештырылган

<p> Казанда 21 нче поликлиникага беркетелгән кешеләр өчен бушлай күчмә диспансеризация уза. Мобиль пункт Габишев урамындагы 39 нчы йорт ишегалдында кизү тора. </p> <p> 14 июньгә кадәр халык сәламәтлеген 8:00 дән 18:00 гә кадәр тикшерә алачак. Мобиль пункт 15 июньдә 8:00 дән 12:00 гә кадәр эшләячәк. Язылу өчен +7(843)528-09-69 телефоны буенча шалтыратырга кирәк. </p> <p> Түләүсез тикшерүләр исемлегенә терапевт каравы, лаборатор тикшерүләр (канның гомуми анализы, шикәр һәм холестеринга анализ), онкомаркерлар (КСК, ПСА, онкоцитология), ЭКГ, флюорография, маммография, шулай ук калкансыман бизне ультратавышлы тикшерү керә, дип хәбәр итә Казанның сәламәтлек саклау идарәсе. </p> <p> Бушлай күчмә диспансеризация 18 яшьтән өлкәнрәк кешеләр өчен булачак. Үзең белән паспорт, мәҗбүри медицина иминияте полисы һәм СНИЛС алырга кирәк. </p> <p> Диспансеризация «Озын һәм актив гомер» милли проектын гамәлгә ашыру кысаларында үткәрелә. </p>

2025-06-09T12:27:00+0300