Казанда оешмаларга 6 июльдә эш көнен кыскартырга киңәш ителә

Бу ДЧ чирек финалы матчын уздыру белән бәйле.

(Казан шәһәре KZN.RU, 5-нче июль). Казанда оешмалар җитәкчеләренә 6 июльдә эш көне озынлыгын 14.00 сәгатькә кадәр кыскартырга киңәш ителә. Тиешле карар Казан Мэры Илсур Метшин тарафыннан имзаланды.

Карарда билгеләп үтелгәнчә, бу 6 июльдә Казанда FIFA 2018 футбол буенча дөнья чемпионатының ¼ финалы уенын уздыру белән бәйле. Бу чара шәһәр объектларының эшен оптимальләштерү, шулай ук транспорт инфраструктурасының эшен тиешле дәрәҗәдә тәэмин итү максатыннан кулланыла.

Искәртергә кирәк, 6 июльдә "Казан Арена" стадионында Бельгия һәм Бразилия җыелма командалары көч сынашачак.

Шулай ук укыгыз

Барлык яңалыклар