Казанда Tour de Tatarstan шоссе велоузышлары буенча җиңүчеләр билгеле булды

Спортчылар 50 км һәм 100 км дистанцияне уздылар.

(Казан шәһәре KZN.RU, 1-нче июль). Казанда Tour de Tatarstan беренче шоссе велоузышы үтте. 30-нчы июньдә шәһәр урамнары буйлап бөтен илдән 1000-нән артык велосипедчы узды.

Ир-атлар арасында 50 км дистанциядә беренче булып Чаллыдан Илнур Мөхетдинов килде. Икенче урында Самарадан Дмитрий Зотеев (1:13:33.796), «бронза» Кировтан Илья Тимкинныкы (1:13:33.886). Хатын- кызлар арасында Чаллыдан Эмилия Салихова беренче булды (1:22:57), Самарадан Анфиса Вдовина икенче килде (1:23:12.836), өченче урында - Казаннан Кристина Евграфова (1:23:12.981).

Ир-атлар арасында 100 км дистанцияне беренче булып Пермьнән Александр Бако (2:19:22) узды. «Көмеш» Удмуртия өлкәсенең Сарапул шәһәреннән Владислав Медовта (2:19:24), Тольяттидан Дмитрий Старостин өченче килде (2:28:14).

Хатын-кызлар арасында Мәскәүдән Юлия Полевая беренче килде (2:35:38), Екатеринбургтан Марина Долгушина икенче булды (3:03:34), «бронза»ны Казаннан Инна Хәйруллина алды (3:03:39).

Шулай ук Tour de Tatarstan Kazan 2019 кысаларында һәвәскәрләр өчен чаңгы трассаларында массакүләм ярышлар узачак. Спортчылар Сибгат Хәким урамы буенча 25 километр юл уздылар.

Ир-атлар арасында Яшел Үзәннән Андрей Ларьков җиңде (47:39). Икенче урында Яшел Үзән спортчысы Артем Николаев (47: 53). Өченче урынны Байлар Сабасыннан Руслан Миңнегулов яулады(47:58).

Хатын-кызлар арасында иң җитезе Чаллыдан Рамилә Вәлиева булды (59:46). Икенче урын нәтиҗәсен Мәскәү өлкәсеннән Юлия Тихонова күрсәтте (1:00:35), өченче урында Казаннан Елена Горохова (1:03:05), дип хәбәр итә Timerman спорт чаралары сериясе матбугат хезмәте.

Шулай ук укыгыз

Барлык яңалыклар