Казанда «Шиповки юных» ярышларының беренче җиңүчеләре билгеле булды

Казанда «Шиповки юных» ярышларының беренче җиңүчеләре билгеле булды

<p> (Казан шәһәре KZN.RU, 26-нчы март). Казанда җиңел атлетика буенча «Шиповка юных» бөтенроссия ярышларының беренче җиңүчеләре билгеле булды, аларда гомуми белем бирү оешмалары, мәктәп-интернатлар, балалар йортлары, спорт мәктәпләре командалары катнаша. Ярышлар 20-нче марттан 22-нче мартка кадәр 2008-2009 елда туган спортчылар арасында узды. Бу этапта 377 укучы - 172 малай һәм 205 кыз катнашты. </p> <p> Ярыш нәтиҗәләре буенча кызлар арасында призлы урыннар түбәндәгечә бүленде. Шәһәр командалары арасында беренче урынны Красноярск шәһәренең 149-нчы номерлы урта гомуми белем бирү мәктәбе спортчылары алды, икенче урын Арзамасның 12-нче номерлы мәктәбенә эләкте, өченче урынга Советскның (Тула өлкәсе) 10-нчы номерлы мәктәбе лаек булды. </p> <p> Авыл командалары арасында Тәтеш районының Нармонка урта гомуми белем бирү мәктәбе һәм балалар-яшүсмерләр спорт мәктәбе командалары җиңү яулады. Икенче урында Яңа Харитоново мәктәбенең (Мәскәү өлкәсе) спортчылары алды. 2-нче номерлы Ләмберә мәктәбе командасы (Ләмберә авылы, Мордовия Республикасы) бронза медаленә ия булды. </p> <p> Спорт мәктәпләре арасында Казанның «Атлетика» спорт мәктәбендә шөгыльләнүче кызлар иң күп очко җыючы булып танылды. Иң көчлеләр өчлегендә ЦСКА (Мәскәү) һәм Кемерово өлкәсенең Креченск спорт мәктәбе командалары булды. </p> <p> 2008-2009 елгы егетләрнең чыгышлары нәтиҗәләре буенча шәһәр командалары арасында Раменское шәһәренең (Мәскәү өлкәсе) 5-нче номерлы урта гомуми белем бирү мәктәбе командасы лидер булды. Икенче урында – Красноярск шәһәренең 9-нчы номерлы гимназиясе, өченчедә - Арзамасның 12-нче номерлы мәктәп спортчылары. </p> <p> Авыл командалары арасында Киров өлкәсенең Вичевщина бистәсе мәктәбе спортчылары иң күп очко җыйды. Икенче урында - Мамонтово урта мәктәбе командасы (Алтай крае), өченчедә – Яңа Харитоновоның 10-нчы номерлы мәктәбе спортчылары (Мәскәү өлкәсе). </p> <p> Мәскәүнең ЦСКА Олимпия резервы спорт мәктәбе командасы спорт мәктәпләре арасында иң көчлесе булды. Икенче урында - Туланың Олимпия резервы спорт мәктәбе командасы, өченче урында - Казаннан «Атлетика» Олимяпи резервы спорт мәктәбе, дип хәбәр иттеләр Физик тәрбия һәм спорт комитетында. </p> <p> Исегезгә төшерәбез, алты көнлек ярыш нәтиҗәләре буенча быел спортчыларның гомуми саны <a href="https://www.kzn.ru/meriya/press-tsentr/novosti/v-kazani-startovali-vserossiyskie-sorevnovaniya-po-legkoatleticheskomu-chetyrekhboryu-shipovka-yunykh/" target="_blank">1300-дән артык кешене</a> тәкшил итәчәк, алар Россиянең 65 шәһәреннән һәм торак пунктыннан киләделәр. </p>

2019-03-26T09:55:25+0300