Top Sprint чаңгы ярышлары буенча Казан Мэры Кубогы ияләре билгеләнде

Түбән Камадан Кристина Прибылова һәм Зәйдән Артур Петров җиңү яуладылар.

(Казан шәһәре KZN.RU, 4-март, Алсу Сафина). ТР башкаласында Top Sprint чаңгы ярышлары буенча Казан Мэры Кубогы ияләре билгеләнде.

Хатын кызлар арасында 04:09,72 нәтиҗәсе белән Түбән Камадан Кристина Прибылова җиңү яулады. Икенче урынны Яшел Үзәннән Алена Мельникова (04:10,40) алды, өченче урында – Алабугадан Анна Морковкина (04:11,60).

Ир-атлар арасында беренче урынны Зәйдән Артур Петров (03:42,29)алды. Икенче урында – Евгений Байбородов (03:43,42). Өченче урынны Илназ Закиров (03:43,97) алды. Алар икесе дә Ижевск шәһәреннән.

Алдан хөрмәтле кунаклар арасында җиңүчеләр билгеле булган иде – беренче булып финишка КДЭУ ректоры Эдвард Абдуллаҗанов килде.

Искәртергә кирәк, ярышлар “Казан” халыкара ат спорты комплексында 3 мартта үтте. Катнашучыларга 1800 м дистанцияне узарга кирәк иде. Казан Мэры Кубогында Татарстаннан һәм күрше төбәкләрдән 200-гә якын чаңгычы катнашты.

Шулай ук укыгыз

Барлык яңалыклар