Казанда «Яшәү яме» проектында катнашучылар арасында өстәл теннисы буенча турнир җиңүчеләрен билгеләделәр

Казанда «Яшәү яме» проектында катнашучылар арасында өстәл теннисы буенча турнир җиңүчеләрен билгеләделәр

<p> </p> <div class="detail-picture"> <img src="https://kzn.ru/upload/iblock/05c/05c6e8a6733b7d0fc3fa9a467c735414.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU 18 нче ноябрь). «Йөзьяшәрләр уеннары» спартакиадасы кысаларында өстәл теннисы турниры тәмамланды. Финал этабы бүген Казанның Совет районында узды, анда 80 нән артык кеше катнашты. <br> <br> Шәһәрлеләр ике категориядә ярыштылар: һәвәскәрләр һәм спортчылар. Җиңүчеләрне ир-атлар һәм хатын-кызлар арасында билгеләделәр, дип хәбәр иттеләр шәһәр Башкарма комитетының Физик культура һәм спорт комитетында. <br> <br> Шулай итеп, һәвәскәр хатын-кызлар арасында алтынны – Аксана Епифанова (Мәскәү районы), көмешне – Марина Тимошина (Вахитов районы), бронзаны Лидия Саховская (Авиатөзелеш районы) алды.<br> <br> Һәвәскәр ир-атлар арасында иң яхшысы Рөстәм Сәгыйров (Совет районы) булды. Икенче урынга – Дмитрий Штатларнов (Киров районы), өченче урынга Геннадий Потапов (Идел буе районы) ия булды.<br> <br> Хатын-кызлар арасында алтын медальне – Евгения Вуйович (Вахитов районы), көмеш медальне – Валентина Кунгурцева (Яңа Савин районы), ә бронзаны Сания Таҗетдинова (Авиатөзелеш районы) яулады.<br> <br> Спортчы ир-атлар арасында Ринат Гатауллин (Вахитов районы) җиңде. Икенче урында – Валерий Бадмаев (Авиатөзелеш районы), өченчедә – Михаил Дунаев (Идел буе районы).<br> <br> Турнир «Өстәл теннисы һәм бокс үзәге» спорт комплексында узды. Җанатарлар һәм кунаклар өчен уен зоналары эшләде. Бәйрәм атмосферасын шәһәрнең профессиональ клублары маскотлары, аниматор һәм фокусник тудырды.<br> <br> Исегезгә төшерәбез, «Йөзьяшәрләр уеннары»ның тантаналы ачылышы октябрь башында футбол-җиңел атлетика манежында узды. Катнашучылар өчен зур спорт бәйрәме оештырылды, аңа шәһәрнең барлык районнарыннан 350 кеше, шулай ук 800 дән артык җанатар кушылды.<br> <br> «Йөзьяшәрләр уеннары» спортның 10 төрен берләштерә: өстәл теннисы, шахмат, йөзү, чаңгы ярышлары, төньяк йөреше, дартс, ГТО, җиңел атлетика, волейбол һәм футбол. Ярышлар 2016 елда Казан Мэриясе тарафыннан оештырылган «Яшәү яме» проекты кысаларында уза. Өлкән буын кешеләре өчен ял, мәдәни һәм спорт чаралары каралган. Пенсионерлар бушлай муниципаль спорт объектларында, мәдәни учреждениеләрдә, шулай ук шәһәр паркларында һәм скверларында уза торган төрле вакыйгаларга йөри ала. </p>

2023-11-18T17:02:52+0300