Казанда вакытлыча кар җыю өчен яңа урыннар билгеләнде

Участоклар Порт һәм Бертуган Баталовлар урамнарында, шулай ук Ишкәкле спорт төрләре үзәге янында һәм «Салават Күпере» микрорайонында урнашкан.

Фото: Денис Гордийко

(Казан шәһәре KZN.RU, 18 нче февраль). Казанда вакытлыча кар җыю өчен өстәмә урыннар билгеләнде. Участоклар Порт, Бертуган Баталовлар урамнарында, Ишкәкле спорт төрләре үзәге янында (Архангельск зиратының көньяк өлешендә – «Казан ярминкәсе»нә борылыш боҗрасы янында) һәм «Салават Күпере» микрорайоны янында урнашкан.

Шәһәрдәге яңа урыннардан тыш, карны җыю өчен элеккеге территорияләр дә файдаланыла: Васильченко, Путейская, Порт урамнары (Халиков урамы ягына таба, шулай ук тимер юллар арасындагы электр линияләре буенча), Мирный поселогындагы «Горводзеленхоз» тресты МУП җиләк-җимеш питомнигы янында, Ф.Әмирхан һәм М.Миль урамнары киселешендә (машиналар базары районында), Дәрвишләр һәм Самосыр поселокларында һәм «Седьмое небо» торак массивы янында, дип хәбәр итә ТР Экология һәм табигый байлыклар министрлыгының матбугат хезмәте.

Исегезгә төшерәбез, хәзер чыгарылган карның 60% тан артыгы кар эретү станцияләренә китерелә, калган күләме махсус чүплекләргә бара. Карны утильләштерү өчен шәһәрдә 11 камерага 7 кар эретү пункты төзелгән, әмма карны вакытында чистарту өчен тагын 12 кар эретү камерасы төзергә кирәк.

Шәһәрдә кар чистарту буенча кайнар линияләр эшләвен дәвам итә. Район администрацияләренең телефоннарына да, шулай ук «Ачык Казан» сервисы аша да мөрәҗәгать итәргә мөмкин, алар KZN.RU порталында бастырылган.

Рөхсәтсез кар бушату фактлары турында хәбәрләр ТР Экология министрлыгында кабул ителә

+7(843)267-68-67 телефоны буенча;
eco.signal@tatar.ru электрон почтасы аша,

http://eco.tatarstan.ru/rus/priem.htm интернет кабул итү бүлмәсендә;

+7 (987)216-97-79 номерындагы WhatsApp һәм Telegram мессенджерлары буенча;

«Халык контроле» системасында – «Экология» категориясендә;

«Мәктәп экопатруле» мобиль кушымтасы аша.

Шулай ук укыгыз

Барлык яңалыклар