«Ак Барс» хоккей клубы матчлары көннәрендә Казанда транспорт хәрәкәте чикләнәчәк

Чикләү дүрт көн дәвамында гамәлдә булачак

Фото: Марат Мөгыйнов

ТР башкаласында «Ак Барс» хоккей клубы матчларын әзерләү һәм уздыру көннәрендә транспорт хәрәкәте һәм автомобильләрне кую урыннары буенча чикләүләр кертеләчәк. Бу хакта Тышкы төзекләндерү комитетында хәбәр иттеләр.

15, 21, 24 һәм 26 нчы февральдә 8:00 сәгатьтән 23:00 сәгатькә кадәр Коротченко урамының исемсез юлдан Ташаяк урамына кадәр булган участогы ябылачак.

Исегезгә төшерәбез, ремонт эшләре белән бәйле рәвештә юл хәрәкәте ябылу турындагы мәгълүмат махсус бүлектә бастырыла.