Казанда Мусин һәм Бичурин урамнары буенча транспорт хәрәкәте чикләнәчәк

Сәбәбе – «Республика Яңа ел чыршысы»н үткәрү

Фото: Денис Гордийко

(Казан шәһәре KZN.RU, 24 нче декабрь). ТР башкаласында Бичурин һәм Мусин урамнары буенча хәрәкәт вакытлыча чикләнәчәк. Бу «Республика Яңа ел чыршысы»н үткәрү белән бәйле.

Чикләү 24 нче декабрьнең 18:00 сәгатеннән 25 нче декабрьнең 19:00 сәгатенә кадәр гамәлдә булачак.

Исегезгә төшерәбез, Казанда «Республика Яңа ел чыршысы» 25 нче декабрьдә «Татнефть Арена»да узачак.