Татарстан башкаласында Совет районының кайбер урамнары буйлап транспорт һәм җәяүлеләр хәрәкәтен вакытлыча чикләячәкләр. Сәбәбе — җылылык белән тәэмин итү челтәрләре төзелеше, дип хәбәр иттеләр Казанның Тышкы төзекләндерү комитетында.
Түбәндәге участокларда транспорт һәм җәяүлеләр хәрәкәте өлешчә туктатылачак:
12 августтан 30 сентябрьгә кадәр – Вознесение тракты буенча Гвардия урамындагы 55г номерлы бина янында;
12 августтан 15 октябрьгә кадәр – Вознесение тракты буенча Гвардия урамындагы 55г номерлы бинадан Гадел Кутуй урамы белән кисешүгә кадәр;
1 сентябрьдән 30 декабрьгә кадәр Гадел Кутуй урамында Вознесение тракты белән кисешүдән Гадел Кутуй урамындагы 159/1 номерлы бинага кадәр.
Түбәндәге участокларда транспорт хәрәкәтен тулысынча чикләячәкләр:
12 августтан 30 декабрьгә кадәр — Гадел Кутуй урамындагы 118к1 һәм 159/1 номерлы биналардан алып Даурия урамына кадәр;
1 сентябрьдән 30 декабрьгә кадәр — Гадел Кутуй урамындагы 118к1 номерлы бинадан 118к2 номерлы бинага кадәр.
Эшләр башкарылганда хәрәкәтне оештыру схемалары белән
сылтама буенча танышырга була.