Казанда «Иҗтимагый бакча» проектына волонтерлар җыю игълан ителде

Команда апрель ахырында ук мәйданчыкны әзерләү һәм төзү эшенә керешәчәк.

(Казан шәһәре KZN.RU, 9-нчы апрель). Казанның Горки-Әмәт урманы уникаль шәһәр проекты – җәмәгать бакчасында эшләү өчен волонтерлар туплау турында игълан итә. Ул май башында ачылачак. Шәһәрлеләр белән бергә волонтерларга үсемлекләр утыртырга, җәй буе аларны карарга, көзен исә уңыш җыярга кирәк булачак.

Иҗтимагый бакча командасы апрель ахырында ук мәйданчыкны әзерли һәм төзи башлаячак. Мавыктыргыч тәҗрибәдән тыш волонтерлар кофе һәм туңдырма, җәйге инвентарь прокаты өчен ташламалар, шулай ук башка паркларда узачак чараларга махсус чакыру ала алачаклар. Проектның бер өлеше булу өчен сылтама буенча үтеп анкета тутырырга кирәк, дип хәбәр итә оештыручылар.

«Иҗтимагый бакча» проекты беренче тапкыр узган ел тормышка ашырылды. Киләсе сезонда аның мәйданын 65 квадрат метрдан 105 квадрат метрга кадәр арттыру планлаштырыла. Моннан тыш, «Дом» экоүзәгендә һәм иҗтимагый бакча территориясендә бакчачылык турында лекцияләр, өлкәннәр һәм балалар өчен мастер класслар, своп-маркетлар, шулай ук Горки-Әмәт урманы экотроплары буенча экскурсияләр оештыралар.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар