Казанда шәһәр пассажир транспортында заманча технологияләр кертү турында фикер алышачаклар

Казан дәүләт архитектура-төзелеш университетында халыкара конференциядә Россия, Австрия, Франция һәм Латвиядән белгечләр катнашачак.

(Казан шәһәре KZN.RU, 11-нче сентябрь). 12-нче сентябрьдә Казан дәүләт архитектура-төзелеш университетында «Акыллы» шәһәр мобильлеге» дигән халыкара конференция узачак. Анда Россия, Австрия, Франция һәм Латвиядән экспертлар катнашачак.

Халыкара конференциядә катнашучылар шәһәр пассажир транспортында яңа заманча транспорт һәм мәгълүмати технологияләр кертү турында фикер алышачак. Конференциядә шулай ук гомуми файдаланудагы автомобиль юлларында пилотсыз транспорт чаралары катнашында юл хәрәкәте куркынычсызлыгын тәэмин итү концепциясе дә каралачак, канат метросы технологияләре нигезендә транспорт инфраструктурасын үстерү турында фикер алышачаклар.

Шәһәр иҗтимагый киңлекләрен үзгәртеп кору коралы буларак компьютер транспортын модельләштерү турындагы доклад белән Казанның баш архитекторы урынбасары Тимур Кадыйров чыгыш ясаячак.

Конференция РФ Транспорт министрлыгы, Автомобиль транспорты фәнни-тикшеренү институты (НИИАТ) һәм Казан дәүләт архитектура-төзелеш университеты тарафыннан оештырылды.

Шулай ук укыгыз

Барлык яңалыклар