Казанда әйберләр интернеты һәм ясалма интеллект өлкәсендә дөнья трендлары турында фикер алышачаклар

Саммитта 25 илдән 2500-дән артык делегат һәм 200 тармак эксперт-практиклары катнашачак.

(Казан шәһәре KZN.RU, 12-нче сентябрь). 1-нче һәм 2-нче октябрьдә «Казан Экспо» Халыкара күргәзмә үзәгендә III Бөтендөнья әйберләр интернеты һәм ясалма интеллект буенча цифрлы саммит узачак. Ул 25 илдән 2500-дән артык делегат һәм 200 тармак эксперт-практикларын җыячак.

Эшлекле программа кысаларында дөнья экспертлары һәм фикер лидерлары транспорт һәм логистика, шәһәр һәм ТКХ, сәнәгать, автомобиль төзелеше һәм башка тармакларда иң нәтиҗәле проектлар һәм уңышлы кейслар турында сөйләячәкләр.

Эшлекле программадан тыш, чара кысаларында IoT&А өлкәсендәге яңалыклар күргәзмәсе дә узачак. Шулай ук саммитта катнашучылар инновацион стартаплар, акселераторлар һәм венчур фондлары белән таныша, инвестицияләр һәм технологик бизнес-проектларны үстерү мәсьәләләре буенча фикер алыша алачаклар.

Моннан тыш, мәйданчыкта предприятиеләрне цифрлаштыру, санлы стратегияләр эшләү һәм цифрлы проектларны эшләтеп җибәрү буенча эшче бизнес-модельләр булдыруга багышланган укыту программалары, тренинглар, семинарлар һәм мастер-класслар оештырылачак, дип хәбәр итә оештыручылар.

Шулай ук укыгыз

Барлык яңалыклар