Казанда Лев Толстойның тууына 200 ел тулуны бәйрәм итүгә әзерлек турында фикер алыштылар

Очрашуны видеоконференцэлемтә режимында Россия Президенты Администрациясе җитәкчесе Антон Вайно үткәрде

Фото: ТР Рәисе матбугат хезмәте

(Казан шәһәре KZN.RU, 16 нчы май). Бүген видеоконференцэлемтә режимында Лев Николаевич Толстойның тууына 200 ел тулуны бәйрәм итүгә әзерлек һәм үткәрү буенча оештыру комитеты утырышы узды. Анда Татарстан рәисе Рөстәм Миңнеханов һәм Казан Мэры Илсур Метшин катнашты. Утырышны Россия Президенты Администрациясе җитәкчесе Антон Вайно үткәрде.

Утырышта катнашучылар РФ Президентының «Л.Н.Толстойның тууына 200 ел тулуны бәйрәм итү турында»гы 34 нче указын үтәү барышы, шулай ук юбилей чаралары планы проектын әзерләү турында фикер алыштылар. Татарстанда юбилей датасы уңаеннан фәнни, мәгълүмати һәм күргәзмә проектларын гамәлгә ашыру, фәнни һәм фәнни-популяр басмалар, каталоглар әзерләү, конкурслар, фестивальләр һәм башка мәдәни-мәгариф чаралары үткәрү планлаштырыла. Моннан тыш, республикада язучының исемен мәңгеләштерү дәвам итә: Казанда аның хөрмәтенә аталган сквер һәм башка объектлар реставрацияләнә.

Утырышта шулай ук ТР Рәисе Администрациясе Җитәкчесе Әсгать Сәфәров, ТР мәгариф һәм фән министры Илсур Һадиуллин, ТР мәдәният министры Ирада Әюпова һәм башкалар катнашты, дип хәбәр итә ТР Рәисе матбугат хезмәте.

Исегезгә төшерәбез, Лев Толстойның тууына 200 ел тулуны бәйрәм итүгә әзерлек һәм үткәрү буенча оештыру комитеты 2022 елның августында оештырылган иде.

Фоторепортаж

Видеорепортаж

Шулай ук укыгыз

Барлык яңалыклар