Казанда яшеллекне компенсацион утырту буенча контроль оештырылган

Эшкуарлар шәһәргә бурычларын 813 агач, озынлыгы 183 м тәшкил иткән куаклык һәм 70 мең кв метрдан артык газон рәвешендә кайтарганнар.

(Казан шәһәре KZN.RU, 22-нче февраль, Екатерина Виславская). 2017 елда Казанның Административ-техник инспекциясенә Башкарма комитетның яшеллекне компенсацион утырту турындагы карарлары үтәлешен тикшерү йөкләнде. Илур Метшин каршында хисап тоту барышында Административ-техник инспекция идарәсе җитәкчесе Әлфир Шәмсетдинов хәбәр иткәнчә, элек әлеге төр эш башкарылмаган.

2013 елдан Башкарма комитетның компенсацион утырту турындагы 476 карары чыккан. 75 үтәлмәгән карар буенча 3 меңнән артык агач һәм куаклар, 185 метр куаклык, 90 меңнән артык кв.м газон утыртылмаган булган. Башкарылган эш нәтиҗәсендә юридик һәм физик затлар тарафыннан 813 агач, озынлыгы 183 м тәшкил иткән куаклыклар һәм 70 мең кв метрдан артык газон утыртылуы актлар белән расланган. Гаепле затларга карата административ хокук бозу турында 10 материал төзелгән.

Фоторепортаж

Икътисади блокның Казан Мэры каршында хисабы

Шулай ук укыгыз

Барлык яңалыклар