Казанда «Ел үзиреклесе» шәһәр конкурсының җиңүчеләрен бүләкләделәр

Конкурсантлар җиде индивидуаль һәм өч коллектив номинациядә ярышты.

(Казан шәһәре KZN.RU, 29-нчы ноябрь). Казанда «Ел үзиреклесе» шәһәр конкурсының җиңүчеләрен бүләкләделәр. Тантана кичә Казан дәүләт энергетика университетының актлар залында узды. Конкурста җиңү өчен 48 үз-үзен тәкъдим итүче үзирекле һәм 37 үзирекле (волонтер) оешма дәгъва кылды.

Конкурсның иң яшь катнашучысы - 11 яшьлек Руслан Зарипов, ә «Ел үзиреклесе» исеменә дәгъва кылучы иң өлкән катнашучы– 85 яшьлек Людмила Сәйфетдинова булды.

Конкурсантлар җиде индивидуаль һәм өч коллектив номинациядә ярышты. «Ел үзиреклесе» номинациясендә беренче урынны Камилә Шәмсетдинова яулады, «Ел үзиреклелекне оештыручысы» - В.Г. Тимирясов исемендәге Казан инновацион университетыннан Анна Сафиуллина булды. Анастасия Гришахина «Ел Җиңү волонтеры» исемен алды. «Ел волонтер-экологы» номинациясендә Максим Антонов җиңүче булды, Мария Воробьева «Ел вакыйгасы волонтеры» дип танылды. «Елның көмеш үзиреклесе» номинациясендә беренче урынны Ольга Спиридонова яулады, ә «Елның мәдәният волонтеры» номинациясендә махсус призны Айсель Гыйззәтова алды, дип хәбәр иттеләр Балалар һәм яшьләр эшләре комитетында.

«Елның мәктәп үзиреклеләр отряды» номинациясендә 152-нче номерлы гимназиянең «Игелекле йөрәкләр» мәктәп волонтерлык отряды җиңде. «Ел үзиреклелек проекты» дип Казан (Идел буе) федераль университеты студентларының Like a donor авторлык проекты танылды. В.Г. Тимирясов исемендәге Казан инновацион университетының «Чын йөрәктән» волонтерлык оешмасы «Ел үзиреклеләр берләшмәсе» булды.

«Ел үзиреклесе» шәһәр конкурсы социаль, мәдәни, гражданлык-патриотик үзиреклелек һәм үзиреклелек эшчәнлеген оештыру өлкәләрендәге иң яхшы үзиреклелек тәҗрибәләрен, казанышларын һәм инновацияләрен бүләкләү максаты белән үткәрелә.

Шулай ук укыгыз

Барлык яңалыклар