Казанда көзге чакырылыш башланды, ул 31 нче декабрьгә кадәр дәвам итәчәк

Казанда көзге чакырылыш башланды, ул 31 нче декабрьгә кадәр дәвам итәчәк

<p> </p> <div class="detail-picture"> <img src="https://kzn.ru/upload/iblock/94a/94a9ce78f5147cb80f077d3153d917da.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 2 нче октябрь). Бүген Казанда, бөтен ил буенча кебек үк, көзге чакырылыш башланды, ул 31 нче декабрьгә кадәр дәвам итәчәк. РФ Президентының сроклы хезмәткә чакыру турындагы указына ярашлы, барлыгы 130 мең кеше чакырылачак, Казаннан 27 нче декабрьгә кадәр гаскәрләргә 700 гә якын кеше җибәреләчәк. </p> <p> 18-27 яшьлек казанлыларга хәрби комиссариатка килмәгән өчен штрафның артуын истә тотарга кирәк. 1 нче октябрьдән штраф күләме 3 мең урынына 30 мең сум тәшкил итәчәк.  </p> <p> Хәрби хезмәткә чакырылучылар аны РФ Кораллы Көчләренең хәрби частьләре һәм ил территориясендәге башка хәрби формированиеләрнең даими дислокация пунктларында үтәчәк. Шул ук вакытта алар илнең яңа төбәкләренә җибәрелмәячәк, шулай ук махсус хәрби операция бурычларын үтәүдә катнашмаячак.  </p> <p> Казаннан чакырылучыларның күбесе заманча хәрби техниканы һәм алдынгы технологияләрне үзләштерәчәк, фәнни роталарда, уку берләшмәләрендә һәм хәрби частьләрдә хәрби-хисап белгечлеге алачак.  </p> <p> Башкаларны исә хәрби вазифаларга белем дәрәҗәсенә, һөнәри күнекмәләренә, сәламәтлек торышына һәм әхлакый-психологик сыйфатларына туры китереп җибәрәчәкләр.  </p> <p> Казанның хәрби хезмәткә чакырылучыларына банк һәм шәхси электрон карталар, шулай ук несессерлар биреләчәк. </p>

2023-10-02T15:39:00+0300