Казанда Зур Акчарлак күле территориясен төзекләндерү буенча әзерлек эшләре башланды

Казанда Зур Акчарлак күле территориясен төзекләндерү буенча әзерлек эшләре башланды

<p> </p> <div class="callout callout-blue"> Казанда Зур Акчарлак күле (Маршал Чуйков урамы) янәшәсендәге шәһәр паркын төзекләндерү буенча әзерлек эшләре башланды. Быел 7 нче шәһәр хастаханәсеннән алып перинаталь үзәк буйлап автосалон артындагы 2,1 гектар мәйданда территорияне колачлау планлаштырыла. Хәзерге вакытта эшчеләр аны чистарту белән мәшгуль.<br> </div> <br> <p> </p> <p> </p> <div class="detail-picture"> <img src="https://kzn.ru/upload/iblock/f5d/f5d27c5cc38d3b34d80ec07c4f83678f.jpg"> <p class="detail-picture__caption"> Фото: Денис Гордийко </p> </div> «Бу Акчарлак күлләрен үзгәртүдә яңа адым булачак. Яңа Савин районында яшел зоналар күп түгел, һәм без һәр паркны, һәр скверны энҗе бөртегенә әверелдерергә омтылабыз. Әлеге табигый объект исә аеруча мөһим: Акчарлак күлләре территориясендә күл акчарлагының Татарстандагы иң эре колонияләренең берсе урнашкан. Безнең бурыч – шәһәр халкына ял итү өчен уңайлыклар тудырып, бу табигый оазисны, кошларның оя коруы, балалар чыгаруы өчен кирәк булган шартларны саклап калу. Шәһәрдә экопаркларны үстерү буенча яхшы тәҗрибә тупланган, һәм ул Зур Акчарлак күлен төзекләндергәндә файдаланыла. Аерым алганда, төп эшләргә июль аенда, акчарлакларның оя кору һәм балалар чыгару чоры тәмамлангач керешергә карар кылынды», – дип билгеләп үтте Казан мэры Илсур Метшин. <p> </p> <p> Исегезгә төшерәбез, әлеге чагыштырмача зур булмаган мәйданда оялар саны 75 кә кадәр җитәргә мөмкин, бу зур шәһәр өчен сирәк күренеш. Биредә күл акчарлакларыннан тыш, кыр үрдәкләре һәм диңгез акчарлаклары яши, ә кошларның көзге һәм язгы миграциясе чорында төрләр исемлеге киңәя. </p> <p> <img src="https://kzn.ru/upload/iblock/010/0103bc9c75589da539cc86526122a732.jpg"><br> </p> <p> «Быел уңай һава шартлары урнашу нәтиҗәсендә акчарлакларның оя кору вакыты гадәттәгедән бераз иртәрәк башланды. Әмма үрчү чоры тәмамланганчы, ягъни, ким дигәндә, июль уртасына кадәр, кошларны борчырга ярамый. Шунысы яхшы: төзелеш эшләренең күбесе, аеруча шау-шу белән бәйлеләре, аларның оя кору, балалар чыгару чорына туры килми. Сулыкның һәм аның яр буе зонасының зәгыйфь экосистемасына зыян китермәс өчен, барлык төзекләндерү эшләрен алга таба да мөмкин кадәр сак башкару мөһим», – ди ТР Фәннәр академиясенең Экология һәм җир асты байлыкларыннан файдалану проблемалары институтының фәнни эшләр буенча директор урынбасары Дмитрий Иванов. </p> <p> Эшләрнең беренче чираты кысаларында мәйданы 5,5 мең кв.м булган территория чистартылачак. Җәяүлеләр сукмакларына – брусчатка, ә күзәтү мәйданчыкларына агач түшәмә җәеләчәк. </p> <p> Су-сазлык комплексында күзәтү мәйданчыклары барлыкка киләчәк: берсе – павильоннан ерак түгел, икенчесе – автоүзәк каршында. Алардан кошларны, су күселәрен, кондызларны күзәтергә, үсемлекләргә сокланырга мөмкин булачак. </p> <p> Паркта навигация территория үзенчәлекләрен исәпкә алып планлаштырылган: юллар диагональ буенча түгел, ә яшел зона периметры буйлап узачак. </p> <p> <img src="https://kzn.ru/upload/iblock/399/3997c6f31dc6f5d26f670c8d1a17311b.jpg"><br> </p> <p> Зур һәм Кече Акчарлак күлләре арасында каһвәханә һәм бәдрәф өчен мәйданы 108 кв.м булган павильон урнаштырылачак. </p> <p> Территорияне авария хәлендәге агач-куаклардан һәм чүп үләннәреннән генә арындыру планлаштырыла. Эшләр булган үсемлекләрне, аерым алганда, әлеге территория ландшафтының табигый үзенчәлеге саналган күпсанлы кыргый сырганак куакларын саклап калу өчен мөмкин кадәр сак башкарылачак. </p> <p> </p> <div class="quote"> <div class="quote-text"> «Бу Акчарлак күлләрен үзгәртүдә яңа адым булачак. Яңа Савин районында яшел зоналар күп түгел, һәм без һәр паркны, һәр скверны энҗе бөртегенә әверелдерергә омтылабыз» </div> <div class="quote-author"> Илсур Метшин </div> <div class="quote-position"> Казан мэры </div> </div> Өстәмә рәвештә өянкеләрнең яңа сортлары утыртылачак. Моннан тыш, территориядә зирек, миләш, шомырт, декоратив алмагач, балан, тубылгы, кара миләш, кабар агачы, шулай ук чәчәк түтәлләре һәм бөртекле үсемлекләр барлыкка киләчәк. <p> </p> <p> Барлык җәяүлеләр юллары яктыртылачак. Әлеге эшләр вакытында табигый зонаның үзгә атмосферасын саклап калу максат итеп куелган. Шуны истә тотып, кояш нурларын кабатлаучы йомшак яктылыкны 3000К лампалар тәэмин итәчәк. </p> <p> <img src="https://kzn.ru/upload/iblock/c49/c493b1d75f5f4ab98f8f131891994df1.jpg"><br> </p> <p> Төзекләндерелә торган зонада кече архитектура формалары: эскәмияләр, өстәл, урналар, мәгълүмат стендлары, каты көнкүреш калдыклары мәйданчыгы өчен түбәле корылма урнаштырылачак. </p> <p> Янәшәдә генә патриарх Тихон чиркәве территориясе урнашкан, хәзерге вакытта ике арадагы юл ябык. Гыйбадәтханә җитәкчелеге белән территорияне паркның җәяүлеләр каркасына кертү мәсьәләсе карала. </p> <p> Биредә төзекләндерү эшләре 2025 елда дәвам итәчәк. «Лента» сәүдә үзәге каршында Адоратский урамына чыгу юлы белән уңайлы җәяүлеләр зонасы булдыру, Академик Лаврентьев урамындагы сәүдә зонасын үзгәртеп кору, Академик Лаврентьев урамыннан Маршал Чуйков урамына кадәр Зур һәм Кече Акчарлак күлләре арасында җәяүлеләр юлы салу планлаштырыла. Зур Акчарлак күлен төзекләндерү өчен шәһәр халкы үзе тавыш бирде – ул сораштыруда катнашкан 24 объект арасында лидер булды. </p> <p> <img src="https://kzn.ru/upload/iblock/85d/85d233617346684e76077a2db754c7f3.jpg"><br> </p> <p> Исегезгә төшерәбез, күршедәге Кече Акчарлак күле 2021-2022 елларда төзекләндерелде. Аның мәйданы 2,6 гектарны тәшкил итә. Территориядә янәшәдәге хастаханә пациентларын реабилитацияләү һәм сәламәтләндерү өчен функциональ зоналар урнашкан: физик йөкләнеш, арт-терапия, аэроионотерапия, фитотерапия мәйданчыклары һәм җәмәгать бакчасы. Мондый функционал белән иҗтимагый киңлекләр булдыру – Россия өчен уникаль практика. Узган елның декабрендә «Кече Акчарлак күле» паркы шәһәр инновацияләре өлкәсендә Гуанчжоу халыкара премиясе жюриеның мактау медаленә лаек булды һәм ачык тавыш бирүдә өченче урынны алды. </p> <br>

2024-05-22T10:44:00+0300