Казанда яңа түләүле парковкалар эшли башлады

Барлыгы 700 гә якын парковка урыны булдырылды

Фото: Денис Гордийко

(Казан шәһәре KZN.RU, 1 нче июнь). Казанның Транспорт комитеты кайсы участокларда парковка киңәйтелгәнен аңлатты. ТР башкаласында парковка өчен барлыгы 684 яңа урын булдырылган, алар 1 нче июньнән эшли башлады.

Муниципаль парковкалар кертү урамнарның әлеге участокларының йөкләнеше белән бәйле, анда автомобиль хуҗалары үз транспорт чараларын озак саклауга – берничә көн һәм атнага калдыра башлаганнар. Мәсәлән, Бондаренко урамында парковка кертү – поликлиникага, Четаев урамында – балалар бакчасына һәм мәктәпкә, Әпсәләмов урамында – «Ак чәчәкләр» бульварына, Кутуй, Гвардия, Ямашев урамнарында һ.б. бизнес-үзәкләргә һәм төрле административ биналарга килүчеләргә парковка ясарга мөмкинлек бирү өчен кирәк. Бушлай булган вакытта әлеге участоклар, кызганычка каршы, күрше йортларда яшәүчеләрнең автомобильләрен даими саклау урыны буларак кулланыла башлаган.

Мәсәлән, бюджет акчалары хисабына җиһазландырылган парковкалар түбәндәге урамнарда урнашкан:

Әпсәләмов (ике як та, Чистай урамы белән киселештән Четаев урамы белән киселешкә кадәр);

Әпсәләмов (ике як та, Четаев урамы белән киселештән Ямашев проспекты белән киселешкә кадәр);

Гадел Кутуй (урамның җөп ягы, 8а йорты янында);

Бондаренко (Чистай урамы белән киселешнең ике ягы да, Ямашев проспекты белән киселешкә кадәр);

Җирле юл (ике як та, Бондаренко урамы белән киселештән алып Әпсәләмов урамы белән киселешкә кадәр, Бондаренко урамы буенча 20 нче, 24 нче йортлар буйлап, Әпсәләмов урамы буенча 23 нче, 27 нче йортлар буйлап);

Газ (урамның ике ягы да, Спартак урамы белән киселештән Качалов урамы белән киселешкә кадәр);

Гвардия (урамның җөп ягы, 14 нче, 16 нчы йортлар буйлап);

Короленко (урамның ике ягы да, Волгоград урамы белән киселештән Чуйков урамы белән киселешкә кадәр);

Коротченко (урамның җөп ягы, Коротченко урамындагы 2 нче, 4 нче йортлар буйлап);

Николай Ершов (урамның так ягы, Ершов урамындагы 29б номерлы йорт буйлап);

Ершов һәм Патрис Лумумба урамнарының юл өлешләре арасындагы участок, Патрис Лумумба урамындагы 20 нче йорт каршында;

Толстой (56 нчы йорт каршындагы так як);

Четаев (урамның ике ягы да, Бондаренко урамы белән киселештән алып Әпсәләмов урамы белән киселешкә кадәр);

Шуртыгин (урамның ике ягы да, Патрис Лумумба урамы белән киселештән Гастелло урамы белән киселешкә кадәр);

Ямашев проспектында урнашкан һәм инвесторлар хисабына төзелгән парковкалар (так як, җирле юл, Бондаренко урамыннан Әпсәләмов урамына кадәр, 33 нче, 33б биналары каршында).

Шулай ук укыгыз

Барлык яңалыклар