Казанда «10 нчы микрорайон» станциясеннән «Юлиус Фучик урамы» станциясенә кадәр метроның сул аралык тоннелен казый башладылар

ТР рәисе һәм Казан мэры метрополитенның икенче линиясе төзелеше барышы белән таныштылар

Фото: Денис Гордийко

Казанда метрополитенның икенче линиясе төзелеше дәвам итә. Бүген «10 нчы микрорайон» станциясеннән «Юлиус Фучик урамы» станциясенә кадәр сул аралык тоннелен казу эшләре башланды. Эшләргә ТР рәисе Рөстәм Миңнеханов һәм Казан мэры Илсур Метшин старт бирде. Республика һәм шәһәр башлыклары Юлиус Фучик һәм Академик Завойский урамнары киселешендә төзелеш барышы белән таныштылар, дип хәбәр итә Татарстан рәисе матбугат хезмәте.

Метрополитенның икенче линиясендәге («Академик Сахаров» станциясеннән «Юлиус Фучик урамы» станциясенә кадәр беренче участокта) эшләр турында тулырак мәгълүматны «Казметрострой» АҖ генераль директоры Марат Рәхимов җиткерде. Ул «Айсылу» тоннель үткәрү комплексының «10 нчы микрорайон» станциясенә чыгуы турында сөйләде («ТАССРның 100 еллыгы» станциясеннән «10 нчы микрорайон» станциясенә кадәр уң яктагы күчмә тоннеле).

Казан метрополитенының икенче линиясе шәһәрнең биш районын тоташтырачак: Идел буе, Совет, Яңа Савин, Мәскәү һәм Киров. 5,37 км озынлыктагы беренче участок дүрт станцияне үз эченә ала: «Юлиус Фучик урамы», «10 нчы микрорайон», «ТАССРның 100 еллыгы» һәм «Академик Сахаров».

Элегрәк Казан метрополитенының икенче тармагында «Зилант» станциясеннән «Академия» станциясенә кадәр уң аралык тоннелен казу тәмамланганлыгы хәбәр ителде.

Исегезгә төшерәбез, 2023 елда Казан метросы хезмәтләреннән 35,5 миллионнан артык кеше файдаланган. Көн саен ТР башкаласының җир асты электр транспортыннан 130 меңнән артык пассажир куллана.

Шулай ук укыгыз

Барлык яңалыклар