Казанда Япеев һәм Мөштәри урамнары участокларында автобуслар туктый алачак

Казанда Япеев һәм Мөштәри урамнары участокларында автобуслар туктый алачак

<p> (Казан шәһәре KZN.RU, 28-нче март). Казанда юл хәрәкәтен оештыру схемасына үзгәрешләр кертелде – Мөштәри һәм Япеев урамнары участокларында 8 кешедән артык сыйдырышлы автобуслар туктый алачак. Тиешле боерыкка шәһәр Башкарма комитетында кул куелды. </p> <p> Автобуслар Япеев урамында (Дзержинский урамыннан Карл Маркс урамына кадәрге участокта) һәм Мөштәри урамында (Горький урамыннан Карл Маркс урамына кадәрге участокта) туктый алачак. </p> <p> Бу участокларда «Тукталыш тыелган» билгесе автобусларга тыю кагылмаячаклыгын белдерә торган өстәмә мәгълүмат билгесе белән тулыландырыла. Шунысын да билгеләп үтәргә кирәк, Япеев урамында билге куелган инде, ә Мөштәри урамында ул якын көннәрдә барлыкка киләчәк. Яңа кагыйдәләр ике урам өчен дә гамәлдә инде. </p>

2019-03-28T09:53:06+0300