Казанда «Алтын алка» турнирында йөзенче гол керттеләр

«Ишегалды спорты» дивизионының өлкән төркеменең финал уены 6-нчы февральдә узды.

(Казан шәһәре KZN.RU, 8-нче февраль). Казан шәһәре Идел буе районының 69-нчы номерлы мәктәбенең «Десяточка» командасы «Алтын алка» турнирының шәһәр этабында җиңүче булды. «Ишегалды спорты» дивизионының өлкән төркеменең финал уены 6-нчы февральдә узды.

69-нчы номерлы мәктәп командасы Совет районының 15-нче номерлы мәктәбенең «Волна» командасын 3:2 исәбе белән җиңде. Уенда турнирның йөзенче голы кертелде, аның 69-нчы номерлы мәктәптән Данил Баянов кертте, дип хәбәр итә Физик тәрбия һәм спорт комитеты.

Исегезгә төшерәбез, быел 8-23 гыйнвар көннәрендә узган беренче этапның район уеннары нәтиҗәләре буенча финалга «Ишегалды спорты» дивизионының 24 командасы һәм «Спорт» дивизионының 7 командасы чыкты. Финал уеннары нәтиҗәләре буенча өч яшь төркемендә иң көчле командалар билгеләнәчәк. Бу командалар «Алтын алка» республика турнирында Казан данын яклаячак. Турнирның шәһәр этабы 17-нче февральгә кадәр дәвам итәчәк.

Шәһәр турниры 4-нче февральдә командаларның дустанә матчы белән ачылды, алар составына спорт мәктәпләрендә тәрбияләнүчеләр һәм ишегалды клублары уенчылары белән бергә Казан Мэры Илсур Метшин, Казан Башкарма комитеты җитәкчесенең беренче урынбасары Рөстәм Гафаров, район администрацияләре башлыклары һәм танылган спортчылар керде.

Шулай ук укыгыз

Барлык яңалыклар