Казанда Кабан күле яр буенда инклюзив опен-эйр узачак

Тамашачылар Каренза Эбьерның «Создавая волны» һәм Жак Наварро-Ровирның «Давайте потанцуем» фильмнарын тамаша кыла алачак.

(Казан шәһәре KZN.RU, 25-нче июнь). Иртәгә, 26-нчы июнь көнне, Кабан күле яр буенда Г. Камал театры каршындагы мәйданда ел саен уздырыла торган «Киртәләрсез кино» - 2019. Мәктәптә инклюзив мәдәният формалаштыруда кино» кинофестиваленең кайтавазы» акциясенә багышланган опен-эйр узачак.

Чара кунаклары «Киртәләрсез кино» халыкара Мәскәү инклюзив кинофестиваленең фильмнарын карап кына калмаячак, матур бию программасын да күрә алачак.

Тамашачылар Каренза Эбьерның «Создавая волны» һәм Жак Наварро-Ровирның «Давайте потанцуем» фильмнарын тамаша кылачак. Һәр кинотасмасы иҗат белән шөгыльләнүче инвалид кешеләр турында сөйли. Бию программасы «Инклюзион. Казан» театр инклюзив мәктәбенең инклюзив төрле яшьтәге төркем студентлары һәм чыгарылыш сыйныф укучылары чыгышы белән тәкъдим ителәчәк.

«Киртәләрсез кино» кинофестивале кайтавазы» чираттагы тапкыр сәламәтлек мөмкинлекләре чикләнгән кешеләрне җәмгыять тормышына кайтару, аларны тормышның барлык өлкәләрендә тигез мөмкинлекләр белән тәэмин итү һәм җәмгыятькә интеграцияләү өчен кирәкле ярдәм күрсәтү зарурилыгы турында искә төшерү өчен уздырыла, дип хәбәр итә ТР Мәгариф һәм фән министрлыгы матбугат хезмәте.

Шулай ук укыгыз

Барлык яңалыклар