Казанда Кабан күле яр буенда сәламәт яшәү рәвешен пропагандалау буенча флешмоб узачак

Барлык теләүчеләр артериаль кан басымын үлчи һәм холестерин дәрәҗәсен белә алачаклар.

(Казан шәһәре KZN.RU, 23-нче апрель). 24-нче апрельдә Казанның Кабан күле яр буенда халыкның сәламәт яшәү рәвеше белән кызыксынуын арттыруга багышланган флешмоб узачак. Шәһәрлеләрне уеннар, конкурслар һәм башка күңел ачу чаралары көтә, ә теләүчеләр артериаль кан басымын үлчи һәм холестерин дәрәҗәсен белә алачак.

Флешмобта катнашучылар өчен оештыручылар сәламәт яшәү рәвешенең төп принциплары буенча белем бирү программасын әзерләделәр. Моннан тыш, шәһәр халкы дәвалау физкультурасы элементлары кергән биюләрне өйрәнә һәм скандинавия йөреше буенча мастер-класста катнаша алачак. Флешмоб «Озын гомер адымнары» сәламәтлек дистанциясен узу белән төгәлләнәчәк.

Чара 11.30 сәгатькә планлаштырылган, дип хәбәр итә «Татмедиа» акционерлык җәмгыяте.

Шулай ук укыгыз

Барлык яңалыклар