Казанның Кремль яр буенда урам китапханәсе ачылды

Барлык теләүчеләрне буккроссингка кушылырга һәм китапларга икенче тормыш бүләк итәргә чакыралар.

(Казан шәһәре KZN.RU, 24-нче июль). Казанның Кремль яр буенда ачык һавада китапханә эшли башлады. Барлык теләүчеләр дә анда үз зәвыкларына туры килгән китаплар таба, укылган басмалар белән уртаклаша, аларга икенче тормыш бүләк итә алалар.

Урам китапханәсе буккроссинг форматында эшли – һәркем үз китабын алмашка калдырып, үзенә ошаган теләсә нинди китапны алып китә яки яр буенда укый ала.

Китапханә даими рәвештә классик, популяр, уку, балалар әдәбияты, белешмәлекләр һәм сүзлекләр, проза һәм поэзия белән тулылана.

Урам китапханәсенә 15 һәм аннан да күбрәк китап алып килгән буккроссингта катнашучылар күңел ачу өчен сертификат – прокатка роликлы тимераяклар, велосипед, самокат алу мөмкинлегенә ия була.

Китаплар роликларны прокатка бирү пунктында («Французская кондитерская» кафесы янында) 12.00 сәгатьтән 20.00 сәгатькә кадәр кабул ителә, дип хәбәр итә оештыручылар. Акция 15-нче сентябрьгә кадәр гамәлдә булачак.

Шулай ук укыгыз

Барлык яңалыклар