Казанда хәйрия ярминкәсендә 84 мең сумнан артык акча җыелган

Акча сәламәтлекләре ягыннан мөмкинлекләре чикләнгән балаларга ярдәм итүгә тотылачак.

(Казан шәһәре KZN.RU, 5-нче март). "Могҗизалар кибете" хәйрия ярминкәсендә казанлылар 84,5 мең сум акча җыярга ярдәм итте. Әлеге акчалар сәламәтлекләре ягыннан мөмкинлекләре чикләнгән балаларга ярдәм итүгә һәм социаль учреждениеләрдә тәрбияләнүчеләрнең иҗаты өчен материаллар алуга тотылачак.

Ярминкәләрне шәһәрнең сәүдә үзәкләренең берсендә 1 марттан 3 мартка кадәр "Альпари" хәйрия фонды үткәрде. Шәһәрлеләр сувенирлар, уенчыклар һәм бизәнү әйберләре сатып алды, теләүчеләр мастер-классларда катнашты.

Исегезгә төшерәбез, "Альпари" ХФ 2005 елдан балаларга ярдәм итә. Хәйрия ярминкәләрен фонд даими рәвештә шәһәрнең Ибраһимов пр., 56 адресы буенча урнашкан сәүдә үзәкләренең берсендә уздыра. Алар турында фондның рәсми сайтында, шулай ук KZN.RU порталында хәбәр ителә. Ярминкәләрдә шәһәрлеләр фонд карамагындагы балаларның әниләре һәм сабыйларның үзләре иҗат иткән төрле бизәнү әйберләре, сувенирлар, кул эшләнмәләре һәм башка әйберләр сатып ала алалар.

Шулай ук укыгыз

Барлык яңалыклар