Казанда исерек шоферлар гаебе белән юл-транспорт һәлакәтләре саны 31% ка кимегән

Казанда исерек шоферлар гаебе белән юл-транспорт һәлакәтләре саны 31% ка кимегән

<p> </p> <div class="detail-picture"> <img src="https://kzn.ru/upload/iblock/ca1/ca1c44b136c10082d1151d03b047a0ec.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 17 нче август). Ел башыннан Казанда исерек шоферлар гаебе белән 20 юл-транспорт һәлакәте булган, аларда ике кеше һәлак булган, тагын 23 кеше җәрәхәтләнгән. Узган елның шул ук чоры белән чагыштырганда, мондый һәлакәтләр саны 31% ка, зыян күрүчеләр саны 37,8% ка кимегән.<br> <p> </p> <p> <span style="color: #3d3d3d;">Шул ук вакыт эчендә исерек шоферларга карата Казан Дәүләт автоинспекциясе хезмәткәрләре 1968 административ материал төзегән, ә РФ Җинаять кодексының 264.1 маддәсе буенча 198 җинаять эше кузгатылган. Юл хәрәкәте кагыйдәләрен бозуны кисәтү максатыннан 23 нче августка кадәр ТР башкаласында «Аек шофер» рейды дәвам итәчәк.</span> </p> <p> <span style="color: #3d3d3d;">Машина йөртүчеләрнең исереклек билгеләре белән идарә итүләре турында мәгълүматны @Kazan_bezopasnoBot Telegram-ботында хәбәр итәргә мөмкин. Быел битараф булмаган казанлылар 70 хәбәр җибәргән, аларны тикшергәннән соң 17 исерек шофер тоткарланган. </span> </p> <p> <span style="color: #3d3d3d;">Дәүләт автоинспекциясе РФ Җинаять кодексының 264 нче маддәсе буенча шоферның, исерек хәлдә булып, кешенең сәламәтлеген какшаткан яки үлеменә китергән очрак катлаулы очрак булуын искә төшерә. Мондый хокук бозу 5 елдан 15 елга кадәр иректән мәхрүм итү белән җәзалана.</span> </p> <p> <span style="color: #3d3d3d;">2023 елның җиде аенда ТР башкаласында 796 юл-транспорт һәлакәте теркәлгән, аларда 19 кеше һәлак булган, 932 се төрле дәрәҗәдәге җәрәхәтләр алган, дип хәбәр иттеләр Россия Эчке эшләр министрлыгының шәһәр буенча ЮХИДИ бүлегендә.</span> </p>

2023-08-17T11:05:26+0300