Казанда коронавирус тагын 38 кешедә расланган

Тәүлек эчендә Республикада СОVID-19 белән авыруның 87 яңа очрагы теркәлгән.

Фото: Марат Мугинов

(Казан шәһәре KZN.RU, 31-нче гыйнвар). Татарстанда COVID-19 белән зарарлануның 87 яңа очрагы теркәлгән, шуларның берсе – читтән кертелгән, калганнары контактлы. 31 кеше хастаханәгә озатылган, 56 кеше өйләрендә дәвалана.

Авыручылар арасында ике балигъ булмаган бала, 18 яшьтән 30 яшькә кадәрге 12 кеше бар, 21 кеше – 30 яшьтән 50 яшькә кадәр, 18 кеше – 50 яшьтән 60 яшькә кадәр, 23 кеше – 60 яшьтән 70 яшькә кадәр, 8 кеше – 70 тән 80 яшькә кадәр һәм 3 кеше – 80 яшьтән 90 яшькә кадәр.

38 кеше Казанда яши, 6 кеше – Яр Чаллыда, 5 кеше – Зеленодольск һәм Нурлат районнарында, 3 кеше – Актаныш, Бөгелмә, Биектау, Түбән Кама районнарында, 2 кеше – Азнакай, Аксубай, Әлмәт, Арча, Югары Ослан, Лаеш, Тәтеш, Тукай районнарында, берәр авыру – Алабуга, Зәй, Лениногорск, Мамадыш һәм Мөслим районнарында.

Барлыгы 31-нче гыйнварга Татарстанда 16 мең 46 СОVID-19 белән авыру очрагы теркәлгән. Пандемиянең бөтен чорында 12 мең 525 кеше сәламәтләнде, шул исәптән 95 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлектә 18 мең 359 яңа авыру очрагы теркәлгән. Илдә барлыгы 3 млн 850 мең 439 кеше авырган, 3 млн 300 мең 4 кеше сәламәтләнгән, 73 мең 182 кеше үлгән.

Шулай ук укыгыз

Барлык яңалыклар