Казанда электромобильләр саны 1000 берәмлектән артып китте

Быел реестрга электр белән эшләүче 281 автомобиль кертелгән

Казанда ел башыннан бирле пакровкада тукталышка кую рөхсәтләре исемлегенә Казан шәһәренең Транспорт комитеты 281 электромобиль керткән. Шулай итеп, бүгенге көндә теркәлгән электромобильләр саны 1096 берәмлекне тәшкил итә.

Экологик транспорт чаралары ияләре, инвалидлар өчен урыннардан тыш, шәһәрнең урам-юл челтәре буенда урнашкан муниципаль парковкалардан бушлай файдалана алалар.

Узган ел реестрга 275 транспорт чарасы кертелгән, 2023 елда – 288, 2022 елда – 124 һәм 2021 елда тагын 77. 2015 елда хуҗалар бушлай муниципаль парковка хокукы алган. Шул чордан алып 2020 елга кадәр реестрда 51 машина пәйда булды, дип хәбәр иттеләр Казан шәһәренең Транспорт комитетында.

Гибрид транспорт чаралары хуҗаларына бушлай парковкалардан файдалану хокукы кагылмый. Бу чара экологияне яхшыртуга, атмосферага зарарлы матдәләр чыгару күләмен киметүгә, шулай ук электромобильләр үсешен арттырырга юнәлдерелгән.

Автомобильне парковкада тукталышка кую рөхсәтләре исемлегенә кертү өчен Казан шәһәренең Транспорт комитетына, КФҮкә мөрәҗәгать итәргә яки документларны ТР Дәүләт хезмәтләре порталына җибәрергә кирәк. Электромобиль хуҗаларына гариза тутырырга, РФ гражданины паспортын, транспорт чарасын теркәү турында таныклык һәм транспорт чарасы паспортын бирергә кирәк. Гаризаны сылтама буенча йөкләргә мөмкин.

Муниципаль хезмәт турында тулы мәгълүматны сайтта карап була.

Шулай ук укыгыз

Барлык яңалыклар