Казанда кайбер автомобиль юллары буенча юл хәрәкәтен оештыру үзгәрәчәк

Бу кышкы спорт төрләре буенча Махсус Олимпиаданың Бөтендөнья спартакиадасына әзерлек һәм аны үздыру белән бәйле.

Фото: Казан шәһәре KZN.RU

(Казан шәһәре KZN.RU, 1-нче февраль). Казанда кайбер автомобиль юллары буенча юл хәрәкәте оештырылачак. Бу кышкы спорт төрләре буенча Махсус Олимпиаданың Бөтендөнья спартакиадасына әзерлек һәм аны үздыру белән бәйле. Тиешле боерыкка шәһәр Башкарма комитетында кул куелган.

3-нче февраль 6.00 сәгатьтән 8-нче февраль 00 сәгатькә кадәр Нижняя урамының ике ягы буйлап, Лейтенант Красиков урамы киселеше белән Тимерьюлчылар урамы киселешенә кадәр, шулай ук Футбол урамының ике ягы буйлап, Тимерьюлчылар урамы киселеше белән Уссурийск урамы киселешенә кадәрге участокларда транспорт чаралары тукталышы һәм туктап торуы чикләнәчәк.

Моннан тыш, 5-нче февраль көнне 6.00 сәгатьтән 22.00 сәгатькә кадәр транспорт чаралары хәрәкәте Кремль урамының ике ягы буйлап, Чернышевский урамы киселешеннән Шейнкман юлы урамы киселеше һәм Беренче Май мәйданына кадәр чикләнәчәк.

Коротченко урамы буенча махсуслаштырылган автобуслар паркы 4-нче номерлы торак йорттан алып Ташаяк урамы киселешенә кадәр төзеләчәк.

Исегезгә төшерәбез, кышкы спорт төрләре буенча Махсус Олимпиаданың Бөтенроссия спартакиадасы Казанда 2021 елның 2-8-нче февральләрендә узачак. Ул 2022 елгы Махсус Олимпиаданың Бөтендөнья кышкы уеннары алдыннан сынау чарасы булачак.

Шулай ук укыгыз

Барлык яңалыклар