Казанда газ шартлау аркасында Җиңү проспекты, 34 адресы буенча урнашкан йортта янгын чыккан

Урында янгын сүндерүчеләр эшли.

(Казан шәһәре KZN.RU, 27-нче март). Казанда Җиңү проспекты, 34 адресы буенча урнашкан йортның сигезенче катында янгын чыккан. Әүвәлге юрама буенча, аның сәбәбе - көнкүреш газы шартлау.

Вакыйга урынына 7 янгын сүндерү машинасы, 5 ЮХИДИ экипажы, 3 ашыгыч ярдәм каретасы килде, дип хәбәр итте Гражданнар саклау идарәсе башлыгы Фердинант Тимерханов.