Казанда ике юл-транспорт һәлакәте шаһитларын эзлиләр

Казанда ике юл-транспорт һәлакәте шаһитларын эзлиләр

<p> (Казан шәһәре KZN.RU, 6-нчы апрель). Казанда ике юл-транспорт һәлакәте шаһитларын эзлиләр. Ике очракта да машина йөртүчеләр Юл йөрү кагыйдәләренең 2.5 пунктын бозып, һәлакәт урыннарыннан качалар.<br> </p> <p> 5 апрельдә 15.50 сәгатьтә Әмирхан проспекты белән Чистай урамы киселешендә көйләнми торган җәяүлеләр кичүендә, юлны автомобиль хәрәкәте уңаена сулдан уңга аркылы чыкканда, 48 яшьлек хатын-кызны машина бәрдерә. Юл-транспорт һәлакәте нәтиҗәсендә аның сул җилкәсенең йомшак тукымалары һәм сул тез асты буыны җәрәхәтләнә. </p> <p> 18.05 сәгатьтә билгесез автомобиль, Киров дамбасы буенча барганда, “Киа Рио” автомобиле белән бәрелә. Алдан алынган мәгълүматлар буенча, билгесез автомобиль йөртүчесе Юл йөрү кагыйдәләренең 9.10 пунктын бозып, куркынычсыз ян интервалны сайламый. </p> <p> Бәрелүдән чит ил машинасы НЕФАЗ автобусы белән бәрелә. Билгесез автомобиль юл йөрү кагыйдәләренең 2.5 пунктын бозып, һәлакәт урыныннан кача. Юл-транспорт һәлакәте нәтиҗәсендә Киа автомобиленең 22 яшьлек пассажиры (хатын-кыз) башының йомшак тукымалары җәрәхәтләре ала. </p> <p> Казанның Дәүләт автоинспекциясе әлеге һәлакәтләр шаһитларын (843) 5-333-819, 5-333-848 телефоннары аша мөрәҗәгать итәргә чакыра. </p> <p> Тәүлек эчендә Казанда 203 юл-транспорт һәлакәте теркәлгән, аларда 3 кеше зыян күргән. </p>

2018-04-06T11:29:30+0300