Казанда 83 яшьлек җәяүлене бәрдерү очрагының шаһитларын эзлиләр

Юл-транспорт һәлакәте 30 нчы июльдә Центральная урамында булган.

Фото: Марат Мөгыйнов

(Казан шәһәре KZN.RU, 1 нче август). Казанда 30 нчы июльдә Центральная урамында булган юл-транспорт һәлакәтенең шаһитларын эзлиләр.

10:00 сәгатьтә, якынча мәгълүматлар буенча, 5 нче номерлы йорт янында машина йөртүче 83 яшьлек җәяүлене бәрдергән: җәяүле РФ юл хәрәкәте кагыйдәләренең 4.3 пунктын бозып, юлны тиешле булмаган урында чыккан. Шуннан соң машина йөртүче, РФ юл хәрәкәтенең 2.5 пунктын бозып, һәлакәт урыныннан качкан.

Юл-транспорт һәлакәте нәтиҗәсендә җәяүле төрле дәрәҗәдәге җәрәхәтләр алган, медицина ярдәме күрсәтелгәннән соң, аны хастаханәдән чыгарганнар.

Казан Дәүләт автоинспекциясе һәлакәт шаһитларыннан түбәндәге телефоннар аша элемтәгә чыгуларын сорый: +7(843)533-38-19, +7(843)533-38-48.

Узган өч тәүлек эчендә, 29-31 нче июль көннәрендә, шәһәрдә 189 юл-транспорт һәлакате теркәлгән, аларның 3 сендә зыян күрүчеләр бар – җәяүлене бәрдергәннәр, велосипедчыны бәрдергәннәр һәм транспорт чаралары бәрелешкән. Нәтиҗәдә, җәяүле, велосипедчы һәм пассажир төрле дәрәҗәдәге җәрәхәтләр алган, дип хәбәр итә РФ Эчке эшләр министрлыгының Казан буенча ЮХИДИ бүлеге.

Шулай ук укыгыз

Барлык яңалыклар